شالقار كولىنە كولىكپەن كىرگەن جۇرگىزۋشى ايىپپۇل ارقالادى
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، الەۋمەتتىك جەلىگە مونيتورينگ جۇرگىزۋ بارىسىندا 15 -شىلدە كۇنى «Toyota Camry» اۆتوكولىگىنىڭ سۋداعى قوزعالىسى تۇسىرىلگەن بەينەجازبا جاريالانعانى انىقتالدى. وقيعا شالقار كولىنىڭ جاعاسىندا بولعان.
«ول كولىكتەگى مەملەكەتتىك تىركەۋ ءنومىرىنىڭ باسقا اۆتوكولىككە تيەسىلى ەكەنى بەلگىلى بولدى. 20 جاستاعى جۇرگىزۋشىگە قر اكىمشىلىك قۇقىقبۇزۋشىلىق كودەكسىنىڭ 590-بابى 3-بولىگىنە (كولىك قۇرالىنا كورىنەۋ جالعان نەمەسە قولدان جاسالعان مەملەكەتتىك تىركەۋ ءنومىرى بەلگىسىن ورناتۋ) سايكەس اكىمشىلىك حاتتاما تولتىرىلىپ، ايىپپۇل سالىندى»، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ورالدا جول شۇرىق- تەسىك بولعاندىقتان، اۆتوكولىك دوڭعالاقتارى جارىلىپ جاتقانىن جازعان ەدىك.
اۆتور:
عايساعالي سەيتاق
Посмотреть эту публикацию в Instagram
