شەتەلگە قولما-قول قانشا ۆاليۋتا اكەتۋگە بولادى
ق ر كەدەن كودەكسىنىڭ 343-بابى 1-تارماعىنىڭ 7-تارماقشاسىنا سايكەس، ەگەر ە ا ە و كەدەندىك اۋماعىنا ءبىر ۋاقىتتا اكەلۋ نەمەسە ە ا ە و كەدەندىك اۋماعىنان ءبىر ۋاقىتتا اكەتۋ كەزىندە مۇنداي قولما- قول اقشا قاراجاتىنىڭ جانە (نەمەسە) جول چەكتەرىنىڭ جالپى سوماسى كەدەن ورگانىنا جولاۋشىلارعا ارنالعان كەدەندىك دەكلاراتسيانى ۇسىنعان كۇنگە قولدانىستا بولاتىن ۆاليۋتا باعامى بويىنشا ون مىڭ ا ق ش دوللارىنا بالامالى سومادان اسىپ كەتسە، قولما- قول اقشا قاراجاتى جانە (نەمەسە) جول چەكتەرى كەدەندىك دەكلاراتسيالاۋعا جاتادى.
الايدا، ەلدىڭ ۇلتتىق مۇددەلەرىن قورعاۋ جانە قارجىلىق تۇراقتىلىقتى قامتاماسىز ەتۋ ماقساتىندا بۇگىنگى كۇنى ق ر پرەزيدەنتىنىڭ 2022 -جىلعى 14 -ناۋرىزداعى №830 جارلىعى قولدانىستا. وندا قازاقستان رەسپۋبليكاسىنىڭ ۇلتتىق بانكى اكەتۋ كۇنىنە بەلگىلەگەن باعام بويىنشا ەسەپتەلگەن جانە 10000 (ون مىڭ) ا ق ش دوللارى بالاماسىنان اساتىن سوماداعى قولما- قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن اكەتۋگە تىيىم سالىنادى.
سونىمەن قاتار، «جەكە پايدالانۋعا ارنالعان تاۋارلاردى كەدەندىك دەكلاراتسيالاۋ تۋرالى» ەۋرازيالىق ەكونوميكالىق كوميسسيا القاسىنىڭ 2019 -جىلعى 23 شىلدەدەگى №124 شەشىمىنە سايكەس، 16 جاسقا تولماعان جەكە تۇلعالاردىڭ جەكە پايدالانۋعا ارنالعان تاۋارلارى تۋرالى مالىمەتتەر، اتالعان تۇلعالارمەن بىرگە جۇرەتىن تۇلعانىڭ جەكە پايدالانۋعا ارنالعان تاۋارلارى تۋرالى مالىمەتتەرمەن بىرگە ءبىر جولاۋشى كەدەندىك دەكلاراتسيادا كورسەتىلەدى.
وسىلايشا، وتباسىنىڭ ءاربىر مۇشەسىنە (ونىڭ ىشىندە 16 جاسقا تولماعان بالالار دا بار) 10000 (ون مىڭ) ا ق ش دوللارى بالاماسىنان اسپايتىن قولما- قول شەتەل ۆاليۋتاسىن اكەتۋگە رۇقسات ەتىلەدى.
