قازاقستان وزبەكستاننىڭ جۇك تاسىمالداۋ نارىعىنداعى درايۆەرى بولادى - ساراپشى
ATI. SU حالىقارالىق جۇك تاسىمالداۋ بيرجاسىنىڭ دەرەكتەرى كورسەتكەندەي، وزبەكستان نارىعى گەوساياسي جاعدايلارعا بايلانىستى تۋىنداعان بىلتىرعى وسىمنەن كەيىن تەپە- تەڭدىككە ەنىپ جاتىر. وزبەكستانعا جۇك تاسىمالداۋعا وتىنىمدەر سانى وتكەن جىلدىڭ سايكەس كەزەڭىمەن سالىستىرعاندا قاڭتاردان ماۋسىمعا دەيىن 77 پايىزعا ءوستى. رەسەيدەن تاسىمالداۋعا سۇرانىس 75 پايىزعا، سونداي- اق قازاقستان، بەلارۋس جانە قىتايدان دا ايتارلىقتاي ءوستى. سول كەزەڭدە جۇك تاسىمالىنا ستاۆكالار 8 پايىزعا ءوستى.
سونىمەن بىرگە، ەكىنشى توقساندا ديناميكا باياۋلادى. 2023 -جىلدىڭ ءبىرىنشى توقسانىمەن سالىستىرعاندا وزبەكستانعا جۇك تاسىمالداۋعا وتىنىمدەر سانى 31 پايىزعا قىسقاردى، ونىڭ ىشىندە رەسەي باعىتىندا ايتارلىقتاي تومەندەگەن (30 پايىز) . ەكسپورتتىق تاسىمالداردا ءوسىم ودان ەرتەرەك توقتادى. ءبىرىنشى جارتىجىلدىقتا وزبەكستاننان بيرجادا ورنالاستىرىلعان وتىنىمدەر سانى وتكەن جىلدىڭ سايكەس كەزەڭىمەن سالىستىرعاندا 4 پايىزعا قىسقاردى. رەسەي باعىتىندا قىسقارۋ 8 پايىز بولدى، ءبىراق قازاقستان مەن بەلارۋسكە تاسىمالداۋعا سۇرانىس، كەرىسىنشە ازداپ ءوستى. بۇل رەتتە ەكسپورتتىق جۇك تاسىمالدارىنا ستاۆكالار 13 پايىز ءوسىمدى كورسەتتى.
«جالپى، حالىقارالىق تاسىمالداۋ نارىعى وتكەن جىلعى وسىمنەن كەيىن بىرتىندەپ تەڭەسىپ جاتىر. وعان نەگىزىنەن رەسەيگە قارسى سانكسيالار ىقپال ەتكەن بولاتىن. قالاي بولعاندا دا، رەسەي باعىتىندا ءبىز جاقىن ارادا جاڭا ءوسىم كۇتىپ وتىرعان جوقپىز، ءبىراق ازداعان وزگەرىس بولۋى دا مۇمكىن. ەسەسىنە، باسقا باعىتتار، ەڭ الدىمەن قازاقستان مەن قىتاي ءوسۋ درايۆەرى بولا الادى»، - دەدى فاريد ۆاحيدوۆ.
