سۇلۋلىق ينەكتسيالارىنا جۇگىنبەس بۇرىن نەنى ەسكەرۋ كەرەك
بۇل «سۇلۋلىق ينەكتسيالارى» تەرىنىڭ پاتولوگيالىق وزگەرىستەرىن جاسارتۋ جانە جويۋ ماقساتىندا ەكستەتيكالىق مەديتسينادا ءجيى قولدانىلادى، دەپ حابارلادى قازاقپارات دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
الايدا كوسمەتولوگيالىق كلينيكالارعا بارعان كەزدە بارلىعى بوتوكستىڭ جارامدىلىق مەرزىمىنە جانە ەڭ باستىسى قازاقستاندا وسى قۇرالدىڭ تىركەلگەنىنە نازار اۋدارمايدى.
بۇگىنگى كۇنى دارىلىك زاتتار مەن مەديتسينالىق بۇيىمداردىڭ مەملەكەتتىك تىزىلىمىنە سايكەس ق ر- دا بوتۋلينوتەراپيادا قولدانۋعا ارنالعان 12 دارىلىك زات تىركەلگەن. ولار دارىگەردىڭ رەتسەپتى بويىنشا قاتاڭ تۇردە بەرىلەدى.
قازاقستان رەسپۋبليكاسى زاڭناماسىندا رەتسەپت بويىنشا دارىلىك زاتتاردى رەتسەپتسىز ساتقانى ءۇشىن اكىمشىلىك جاۋاپكەرشىلىك كوزدەلگەنىن ايتا كەتۋ كەرەك. دارىلىك زاتتاردىڭ زاڭسىز اينالىمى ءۇشىن تەك اكىمشىلىك قانا ەمەس، سونىمەن قاتار قىلمىستىق جاۋاپكەرشىلىك تە كوزدەلگەن.
ق ر دەنساۋلىق ساقتاۋ مينيسترلىگى ينەكتسيالاردى ءوز بەتىنشە ەنگىزبەۋگە، تەك قانا سەرتيفيكاتتالعان مامانداردىڭ قىزمەتتەرىن پايدالانۋعا جانە ەلىمىزدە تىركەلگەن، دارىگەردىڭ رەتسەپتى بويىنشا جازىلعان دارىلىك زاتتاردى عانا ساتىپ الۋعا كەڭەس بەرەدى.
