ءىرى كولەمدە ەسىرتكى ساتقان قىلمىستىق توپ ۇستالدى
جامبىل وبلىسىنىڭ پوليتسيا دەپارتامەنتى، ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى سينتەتيكالىق ەسىرتكىنى جەتكىزۋ ارناسىنىڭ جولىن كەسۋگە باعىتتالعان جەدەل- ىزدەستىرۋ ءىس- شارالار كەشەنىن جۇرگىزدى.
ءى ءى م باسپا ءسوز قىزمەتىنىڭ مالىمەتىنشە، ەسىرتكى ساتۋشىلاردىڭ ارەكەتىن جويۋ بويىنشا ارنايى وپەراتسيا ەكى اي بويى جۇرگىزىلگەن. پوليتسەيلەر سينتەتيكالىق ەسىرتكى زاتتارىن ساتۋدى، تىيىم سالىنعان زاتتاردى جارنامالاۋدى جۇزەگە اسىرعان ءتورت ادامدى انىقتادى.
ولاردىڭ ءبىرى - 26 جاستاعى تاراز تۇرعىنى. الماتىدان تارازعا ەسىرتكى جەتكىزۋ ارناسىن ۇيىمداستىرعان. ال 22 جاستاعى ازامات Telegram ارناسىندا اكىمشى بولعان. سونداي- اق ەسىرتكى ساۋداسى جەلىسىنە (كەپىلگەرلەر، تاسىمالداۋشىلار جانە ت. ب. ) پەرسونالداردى جالداۋمەن اينالىسقان جانە اتىراۋ، استانا جانە الماتى قالالارىنا «سينتەتيكا» وتكىزۋ ارناسىن ۇيىمداستىرعان.
قىلمىستىق ارەكەتكە 19 جاستاعى (ماسەلەلەردى كۇشپەن شەشۋ) جانە 23 جاستاعى تۇرعىنداردىڭ دا (كۋرەر) قاتىسى بار. ولاردى تاراز قالاسىنداعى ق ر ۇ ۇ «بۇركىت» ارنايى ماقساتتاعى ءبولىنىس جانە پ د ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى قۇرىقتادى.
وقيعا ورنىندا جامبىل وبلىسىنىڭ اۋماعىندا سينتەتيكالىق ەسىرتكىلەردى وتكىزۋ جانە تاراتۋعا قاتىستى حابارلاما جازىلعان تەلەفوندار تاركىلەندى.
سونداي- اق ساراپتاما ناتيجەسىنە سايكەس، جالپى سالماعى 608,17 گرامم مەفەدرون تاركىلەندى. ءتىنتۋ بارىسىندا 22 جاستاعى ۇستالعان ازاماتتان دا 33,56 گرامم مەفەدرون دا تابىلدى.
«ۇستالعان ازاماتتار كىناسىن مويىنداپ، تاراز قالاسىنىڭ ۋاقىتشا ۇستاۋ يزولياتورىنا قاماۋعا الىندى. قازىر وسى دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى (اسا ءىرى مولشەردە ەسىرتكى زاتتارىن وتكىزۋ ماقساتىندا زاڭسىز ساقتاۋ) بويىنشا سوتقا دەيىنگى تەرگەپ- تەكسەرۋ امالدارى باستالدى. بۇل باپ بويىنشا مۇلكى تاركىلەنىپ، ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلادى»، - دەدى پوليتسيا دەپارتامەنتى ەسىرتكى قىلمىسىنا قارسى ءىس- قيمىل باسقارماسىنىڭ باستىعى ءالىم باجىقبايەۆ.
