مەن قازاق حالقىنا اقسەلەۋدى بەرگەنى ءۇشىن ريزامىن - ءابىش كەكىلبايەۆ
بۇل پىكىردى جازۋشى ءابىش كەكىلبايەۆ 2012- جىل استانادا وتكەن «اقسەلەۋ سەيدىمبەك: عىلىمي مۇراسى جانە تاۋەلسىزدىك» اتتى كونفەرەنسيادا ايتقان.
«قازاق كەزىندە قانداي بولدى؟»، - دەپ سۇراسا، مەن اقسەلەۋدى كورسەتىپ: «قازاق دەيتىن مىناۋ بولادى!»، - دەپ ايتار ەدىم. «قازاق بولاشاقتا قانداي بولادى؟»، - دەپ سۇراساڭىز، تاعى سول اقسەلەۋدى كورسەتىپ: «قازاق دەيتىن مىنانداي بولا الادى؟»، - دەيتىن ەدىم. قىسقاسى، مەن اقسەلەۋ سەيدىمبەكتى بۇگىندە ءاربىر قازاق بالاسى ۇمتىلاتىن ەتالون، ءاربىر قازاق بالاسى ۇمتىلاتىن يدەال دەپ تۇسىنەمىن. مەن قازاق حالقىنا اقسەلەۋدى بەرگەنى ءۇشىن ريزامىن»، - دەيدى ءا. كەكىلبايەۆ.
اقسەلەۋ سلان ۇلى سەيدىمبەك (1942- 2009) - جازۋشى، ادەبيەت زەرتتەۋشى، عالىم، فيلولوگيا عىلىمىنىڭ دوكتورى.
اكەسى سلان ەكىنشى دۇنيەجۇزىلىك سوعىستا قايتىس بولىپ، اكەسىنىڭ اعاسى امانبەكتىڭ تاربيەسىن كورىپ وسكەن. ورتا ءجۇزدىڭ تاراقتى رۋىنان.
1961 -جىلى ءال- فارابي اتىنداعى قازاقتىڭ ۇلتتىق ۋنيۆەرسيتەتىنە وقۋعا ءتۇسىپ، 1968 -جىلى جۋرناليستيكا فاكۋلتەتىن ءبىتىرىپ شىقتى. ۋنيۆەرسيتەتتە وقىپ ءجۇرىپ 1963-64 -جىلدارى ترويتسك قالاسىندا اسكەري مىندەتىن اتقارىپ قايتادى.
«لەنينشىل جاس» گازەتىنىڭ ءتىلشىسى (1968-1975)
قاراعاندى وبلىسى «ورتالىق قازاقستان» گازەتىنىڭ جاۋاپتى حاتشىسى (1975-1976)
1976-1983 ج. «سوتسياليستىك قازاقستان» گازەتىنىڭ ادەبيەت جانە ونەر ءبولىمىنىڭ مەڭگەرۋشىسى.
1983-1987 ج. ء«بىلىم جانە ەڭبەك» جۋرنالىنىڭ باس رەداكتورى.
1987-1988 ج. «الەم» الماناعىنىڭ باس رەداكتورى.
1988-1997 ج. قاز ك س ر عىلىم اكادەمياسىنىڭ ادەبيەت جانە ونەر ينستيتۋتىندا عىلىمي قىزمەتكەر، اعا عىلىمي قىزمەتكەر، جەتەكشى عىلىمي قىزمەتكەر، ءبولىم مەڭگەرۋشىسى بولدى.
1997-1998 ج. قازاقتىڭ ى. التىنسارين اتىنداعى ءبىلىم پروبلەمالارى ينستيتۋتىنىڭ ديرەكتورى.
1999 -جىلدان استاناداعى ەۋرازيا ۇلتتىق ۋنيۆەرسيتەتىندە كافەدرا مەڭگەرۋشىسى.
شىعارماشىلىعى
العاشقى اڭگىمەلەر جيناعى «اقيىق» 1972 -جىلى جارىق كورگەن
«قىر حيكايالارى» (1977)
«تاۋعا بىتكەن جالبىز» (1979)
«كەنىش» (1979)
«الپامىس باتىر» (1979)
«سەرپەر» (1982)
«اق قىز» (1991) جانە ت. ب. انگىمە، پوۆەست، وچەركتەرى
«كۇڭگىر- كۇڭگىر كۇمبەزدەر» (1981)
«مىڭ ءبىر مارجان» (1989)
«قازاقتىڭ ايگىلى كۇيشىلەرى» (1992)
«بالتالى باعانالى ەل امان بول» (1993)
«كۇي شەجىرە» (1993)
«كوشپەلىلەر تاريحى» (1995)
«ويتولعاق» (1997)
«كۇي شەجىرە» (2-ت.؛ 1997)
«قازاق الەمى» (1997) اتتى عىلىمي- تانىمدىق ەڭبەكتەرى جارىق كوردى.
«قازاقتىڭ اۋىزشا تاريحى»
اۋدارمالارى
گومەردىڭ «يليادا»
«وديسسەياسىن» (قارا سوزبەن اڭگىمە، 1974)
شىعارمالارى اعىلشىن، ۆەنگر، نەمىس، ورىس، وزبەك، چەح، ەستون تىلدەرىنە اۋدارىلعان.
اقسەلەۋ سەيدىمبەك ءوزىنىڭ «قازاقتىڭ كۇي ونەرى» (2002) اتتى كىتابىندا بىلاي دەگەن بولاتىن:
«وزىندىك قاسيەتتەن ايىرىلعان ۇلت ولەدى. ۇلتتى ولتىرمەيتىن ونىڭ ءتولتۋما مادەنيەتى عانا. سوندىقتان بۇل جولدا ەتكەن ەڭبەك پەن توككەن تەردى ءتاڭىردىڭ سىباعاسىنا بالاي ءجۇرىپ، وتكەننىڭ اسىلدارى بولاشاق ۇرپاقتىڭ جان- جۇرەگىن جىلىتۋى ءۇشىن قول جالعاپ جىبەرۋىمىز قاجەت- اق». بۇل ءسوز ونىڭ ءومىرى مەن شىعارماشىلىعىنىڭ باعدارلاماسى ىسپەتتەس.
