ەلورداداعى مەترو قۇرىلىسى قاشان اياقتالادى

«جەڭىل رەلستى ترانسپورت جۇيەسى ىسكە قوسىلسا، شاھارداعى كەپتەلىس ماسەلەسى شەشىلەدى»، - دەيدى ماماندار.

قۇرىلىسقا بيۋدجەتتەن 52,4 ميلليارد تەڭگە ءبولىندى. ل ر ت قۇرىلىسى اراعا ۋاقىت سالىپ وتكەن جىلى قايتا جانداندى. قاسىم- جومارت توقايەۆ ەلوردانى دامىتۋ جونىندەگى كەڭەستە شاھار باسشىسىنا ءبىرقاتار تاپسىرما جۇكتەدى. ولاردىڭ ءبىرى ءارى نەگىزگىسى - جىر بولعان جەڭىل رەلستى ترانسپورت جوباسىن جۇزەگە اسىرۋ. پرەزيدەنت تۇرعىندارعا بەرىلگەن ۋادەنى ورىنداۋ كەرەكتىگىن ايتتى.

جەڭىس قاسىمبەك، قالا اكىمى:

- قازىر جۇمىس قارقىندى ءجۇرىپ جاتىر. قۇرىلىستى جانداندىرۋ ماقساتىندا، وتكەن جىلى ۇكىمەت قارجىنىڭ العاشقى بولىگىن ءبولدى. بۇگىنگى تاڭدا ءبىرىنشى كەزەڭدى اياقتاۋعا كۇش سالىنىپ وتىر. جوبانى تولىققاندى ءبىتىرۋ ءۇشىن 2 جىل ۋاقىت قاجەت. جوباعا بيۋدجەتتەن 52,4 ميلليارد تەڭگە ءبولىندى.

«ءبىراق ءىستى اياعىنا دەيىن جەتكىزۋ ءۇشىن، بۇل سوما ازدىق ەتەدى»، - دەيدى ماماندار.

باقىت قارساقبايەۆ - «City Transportation Systems» كومپانياسىنىڭ باسقارۋشى ديرەكتورى:

- ءوزىنىڭ پلانى مەجەسى بار، ءبارى كەلىسىلگەن. ءبىراق ونىڭ ءبارى قارجىعا بايلانىستى. قارجى قالاي بولىنەدى، ءبىز سولاي مەجەنى ورىندايمىز. قۇرىلىس جۇمىستارى ەكى كەزەڭگە بولىنگەن. ءبىرىنشى كەزەڭدە 18 ايالدامانىڭ تەك 8- ءى قولدانىسقا بەرىلىپ، 5 مەتروپوليتەن پويىزى سىناقتان وتەدى. ۆاگوندارعا جۇك تيەلىپ، ولاردىڭ جارامدىلىعى تەكسەرىلەدى.

- ل ر ت ۇزىندىعى 22 شاقىرىمدى قۇرايدى. قۇرىلىس جوسپارىنا سايكەس 18 ايالداما بەكەتى سالىنادى دەپ جوسپارلانعان. جوبا ءساتتى اياقتالسا، وندا ول، باس شاھارداعى اۋەجاي مەن «نۇرلى جول» ۆوكزالىن بايلانىستىراتىن بولادى. الداعى ۋاقىتتا قۇرىلىس جۇمىستارىنا تاعى 1000-نان استام ادام تارتىلاتىن بولادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى