ا ق ش قازاقستاننان شىعارىلعان زاڭسىز اكتيۆتەردى قايتارۋعا كومەكتەسەدى
ۆاشينگتوندا قازاقستاندىق دەلەگاتسيا ەكى ەلدىڭ بايلانىستىن ارتتىرۋ بويىنشا ءبىرقاتار كەزدەسۋ وتكىزدى. سونىڭ ىشىندە زاڭسىز شىعارىلعان اكتيۆتەردى ەلگە قايتارۋ تۋرالى قازاقستاننىڭ اتقارىپ جاتقان جۇمىستارىن ا ق ش تاراپى وڭ باعالعان. ويتكەنى مۇنداي زاڭسىز ارەكەتپەن الەم بويىنشا كۇرەسىپ جاتىر. سوندىقتان زاڭسىز شىققان اكتيۆتەردى ىزدەۋگە جانە قايتارۋعا قولداۋ كورسەتەدى ءارى تاجىريبەسىمەن بولىسۋگە ءازىر.
قايرات وماروۆ، ق ر سىرتقى ىستەر ءمينيسترىنىڭ ءبىرىنشى ورىنباسارى:
- امەريكادا بۇل ماسەلە وتە وزەكتى. ولار مۇنداي زاڭسىز ارەكەتپەن الەم بويىنشا كۇرەسىپ جاتىر. سوندىقتان قازاقستاننىڭ بۇل باعىتتاعى قادامىن قۇپتاپ وتىر. بىزگە زاڭسىز شىعارىلعان اكتيۆتەردى قايتارۋدىڭ زاڭدى تەتىكتەرىن رەتكە كەلتىرۋ كەرەك بولدى. امەريكا تاراپى بۇل ماسەلەدە بىزبەن تىعىز جۇمىس ىستەۋگە دايىن. ءارى ءبىزدىڭ ءوتىنىشىمىز بويىنشا قول ۇشىن سوزادى.
ا ق ش- تىڭ زاڭسىز ارەكەتتەردى اشكەرلەپ، سالىقتان جالتارۋمەن كۇرەستە تاجىريبەسى مول. ءتىپتى قايبىر جىلدارى مىڭداعان ازاماتىنىڭ شۆەيتساريالىق بانكتەردەگى ەسەپشوتتارىن اشتىرتىپ، ميللياردتاعان دوللار سالىقتى قايتا تولەتكەن بولاتىن.
ايگۇل قۇسپان، ق ر پارلامەنتى ءماجىلىسىنىڭ دەپۋتاتى:
- وسى زاڭدى دايىنداعاندا ا ق ش- تىڭ تاجىريبەسىن، مىنا ازاماتتىق تاركىلەۋ تاجىريبەسىن جاقسىلاپ زەردەلەگەنبىز. سوندىقتان ازاماتتىق تاركىلەۋ دەگەن بۇل ماسەلە - ولارعا تانىس نارسە. سوندىقتان دا ولار وتە جاقسى قولداپ جاتىر.
جالپى تەك بىرلەسكەن كۇش- جىگەرمەن عانا ترانسۇلتتىق ۇيىمداسقان قىلمىسقا جانە قىلمىستىق جولمەن كىرىستەردى جىلىستاتۋعا قارسى ءتيىمدى كۇرەسۋگە بولادى. ا ق ش كونگرەسى دە سايلاۋالدى باعدارلاماسىنداعى نەگىزگى مىندەتتەردىڭ ءبىرى زاڭسىز شىعارىلعان اكتيۆتەرگە قارسى بەلسەندى كۇرەس جۇرگىزەدى.
www.24.kz
