تورەعالي ءتورالىنىڭ قاماۋداعى مەرزىمى اياقتالدى

الماتى قالالىق سوتىنىڭ باسپا ءسوز قىزمەتىنەن ءمالىم ەتكەندەي، ا. ەسىمدى ازامات (تورەعالي ءتورالىنىڭ تەگى بويىنشا - اۆت. ) قاماۋدا ۇستاۋ اكىمشىلىك جازاسى 17- شىلدە كۇنى اياقتالدى.

ءانشىنىڭ قورعاۋشىسى الەۋمەتتىك جەلىدە ونىڭ بوستاندىققا شىققانىن جازدى.

«تورەعالي ۇلدارىڭىز بوستاندىققا شىقتى. بارشا قولداپ، قورعاعان وقىرماندارعا مىڭ العىس! ءبارى جاقسى، ۋايىمداعاندارىڭىز ءۇشىن راقمەت ايتامىن!» ، - دەپ جازدى ول.

ەسكە سالا كەتەيىك، 14- ماۋسىم كۇنى الماتىدا ەسىرتكىگە ماسايعان كولىك جۇرگىزۋشى پوليتسەيلەرگە بوي بەرمەي، وقيعاعا ورنىنان قاشپاق بولعانى حابارلانعان ەدى.

پاترۋلدىك پوليسيا قىزمەتكەرلەرى جۇرگىزۋشىنى ۇستاپ، مەديتسينالىق ساراپتاما ناتيجەسىندە ونىڭ ەسىرتكىگە ماس ەكەنى راستالدى. سول كۇنى كولىك جۇرگىزۋشى اكىمشىلىك جاۋاپقا تارتىلدى. ول 20 تاۋلىككە قاماۋعا الىنىپ، 7 جىلعا كولىك جۇرگىزۋ قۇقىعىنان ايىرىلدى.

سوت وتىرىسىندا قۇقىق بۇزۋشى ءىس ماتەريالدارىندا باياندالعان فاكتىلەردى راستاپ، وكىنەتىنىن ايتقان.

پابليكتەر رەسمي اقپاراتتا «ا. ەسىمدى ازامات» دەپ بەرىلگەن كولىك جۇرگىزۋشىنىڭ تورەعالي ءتورالى (اليحانوۆ - رەد. ) ەكەنىن جاپپاي جازدى. ال تورەعالي ءتورالىنىڭ قارىنداسى الەۋمەتتىك جەلىدە اعاسى تۋرالى تاراعان اقپاراتتىڭ جالعان ەكەنىن جازدى. كەيىن تورەعالي ءتورالىنىڭ يزولياتورداعى 20 كۇندىك جازاسىنا تاعى ءۇش كۇن قوسىلدى.

3- شىلدە كۇنى الەۋمەتتىك جەلىدە ءانشىنىڭ كولىك جۇرگىزگەنى تۋرالى اقپارات تارادى. ءدال سول كۇنى ءانشى تورەعالي ءتورالىنىڭ قاماۋداعى مەرزىمى تاعى 15 كۇنگە سوزىلعانى بەلگىلى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى