قاراعاندى حايۋاناتتار باعىندا ەكى جولبارىس دۇنيەگە كەلدى
قاراعاندى حايۋاناتتار باعىندا جولبارىستار جۇبى قالىپتاستى. باتىر جانە ميا ەسىمدى جولبارىستاردا 2 كۇشىك پايدا بولدى.
«باتىر بىزدە بىرنەشە جىل ءومىر ءسۇرىپ كەلەدى. ءبىز ونى 2020 -جىلى جەكە حايۋاناتتار باعىنان ساتىپ الدىق. ءبىر جىل بۇرىن بۇل جۇپ ءبىر- ءبىرىنىڭ ءيىسىن سەزىنۋ ءۇشىن كورشى قورشاۋلارعا وتىرعىزىلدى. ولار ءبىر- ءبىرىن كورىپ، ۇيرەنىپ كەتۋى ءۇشىن ەكى ۆولەر اراسىنداعى قورعاۋ الىنىپ تاستالدى. ءبىر جىل ىشىندە ولار دوستاسىپ كەتتى. سودان كەيىن ءبىزدىڭ ميا انا اتانۋعا دايىن بولعاندا، ءبىز وتكەن جىلى قىستا، وسى جىلدىڭ باسىندا ولاردى بىرىكتىرە باستادىق. ولار ءبىر- ءبىرىنىڭ قورشاۋىنا كىرىپ، ءبىر- بىرىنە قوناققا بارا باستادى. جولبارىستار اراسىندا سۇيىسپەنشىلىك پايدا بولىپ، ولاردىڭ قارىم- قاتىناسىنىڭ ناتيجەسىندە ماۋسىم ايىنىڭ باسىندا كۇشىكتەر پايدا بولدى. ءبىراق ءبىز ولاردى ەشكىمگە كورسەتپەدىك، ولار ينكۋباتسيالىق كەزەڭدە بولدى»، - دەيدى حايۋاناتتار باعىنىڭ ديرەكتورى گۇلنار ادامبەكوۆا.
جولبارىستىڭ كۇشىكتەرى ءالى لاكتاتسيا كەزەڭىندە، ولار انا سۇتىمەن قورەكتەنەدى. جولبارىستىڭ اناسى ميا كۇشەيتىلگەن ديەتادا. ءبىراق حايۋاناتتار باعىنىڭ قىزمەتكەرلەرى ايتقانداي، قازىر وتە ىستىق كۇندەردىڭ سالدارىنان ميا دا، بالالار دا كوپ تاماقتانبايدى. سوندىقتان ولاردىڭ ديەتاسىنا قوسىمشا ءبىرىنشى ساناتتاعى مايدالاپ تۋرالعان ەت ەنگىزىلدى. جولبارىستارعا سۇيەگى بار ەت بەرىلەدى، وسىلايشا ولار ءتىس قۋىسىن دامىتا الادى، دەيدى زوو ماماندار.
«الدىمەن ءبىز ولارعا قوسىمشا سۋ قۇيىلعان ىدىستار قويدىق، ميا بالالارىن سول جەردە شومىلدىردى. ءبىز كۇشىتەردى جاۋىپ تاستادىق جانە ولاردى ادامداردىڭ بالالارى سياقتى قىرىق كۇن بويى كورسەتپەدىك. سودان كەيىن ءبىز باسسەيندى تولتىردىق. ميا ولاردى ۇنەمى قاداعالاپ وتىرادى، تاماقتاندىرادى، كۇنىنە بىرنەشە رەت مۇقيات ءوزى شومىلدىرادى»، - دەيدى حايۋاناتتار باعىنىڭ ديرەكتورى.
حايۋاناتتار باعىنىڭ ۆەتەرينارلارى انىقتاعانداي، بۇل - ۇرعاشى جانە ەركەك جولبارىس.
