ا ق ش- تا ۇرلانعان قىز ويىن پريستاۆكاسىنىڭ ارقاسىندا تابىلدى

ءىستىڭ ەگجەي- تەگجەيى ەندى عانا بەلگىلى بولدى.

جاسوسپىرىم 2022 -جىلدىڭ 3 - تامىزىندا ۆيردجينياداعى ۇيىنەن جوعالىپ كەتتى. وتباسى ونىڭ تاعدىرى جايىندا 11 كۇن بەيحابار بولعان.

سوت قۇجاتتارىنا سايكەس، قىزدى 28 جاستاعى ەتان روبەرتس ۇرلاعان.

ول جاسوسپىرىممەن ينتەرنەت ارقىلى دوستاسىپ، كورىسىپ- تانىسۋ ءۇشىن 3 مىڭنان استام شاقىرىم جەردەن ۆيردجينياعا كەلىپ، سودان كەيىن ونى اريزوناعا الىپ كەتتى.

پوليتسيانىڭ حابارلاۋىنشا، ودان كەيىن روبەرتس قىزدى توللەسونداعى تۇرعىن ءۇي كەشەنىنە اكەلەدى.

ۇرلاۋشى قىزدىڭ پورنوگرافيالىق سيپاتتاعى فوتوسۋرەتتەرىن ءتۇسىرىپ، ولاردى Snapchat پايدالانۋشىلارىنا ساتقان.

«ول بىرنەشە كۇندە كوپ نارسەنى باستان وتكەردى»، — دەيدى قىزدى ىزدەۋمەن اينالىسقان ەرىكتىلەر ۇيىمىن باسقارعان كوۋلمان.

ۇرلاۋشى قىزعا Nintendo Switch ويىن پريستاۆكاسىن وزىمەن بىرگە الا كەتۋگە رۇقسات بەرگەن.

قىز YouTube كورۋ جانە ويىن جۇكتەۋ ءۇشىن جەلىگە قوسىلعان كەزدە ينتەرنەتتە سيفرلىق ءىز قالدىردى. ف ت ب قىزدى وسىنىڭ ارقاسىندا تاۋىپ العان.

كونسول پايدالانۋشىعا جەلىگە قوسىلعان سايىن ويىنداعى دوستارىن ەسكەرتۋگە مۇمكىندىك بەرەدى. وسى فۋنكتسيا 14 جاسار قىزدى قۇتقارۋعا كومەكتەستى.

دوسى ونىڭ ەسىمى جەلىدە قوسىلىپ تۇرعانىن بايقاپ، دەرەۋ بيلىككە حابارلاعان.

ف ت ر مەن ا ق ش پوليتسياسى كۇدىكتىلەردى ۇستاۋ جانە حابار- وشارسىز كەتكەندەردى ىزدەۋ ءۇشىن قۇرىلعىلاردى سيفرلىق باقىلاۋدى ءجيى پايدالانادى.

بارلىعى Wi-Fi جانە LTE - ۇيالى تەلەفون، iPad، ساعاتتارعا قوسىلادى. بۇل زاتتاردى ادام تابۋ ءۇشىن پايدالانۋعا بولادى.

بۇل وقيعادا كونسولدىڭ ارقاسىندا ف ت ب IP مەكەنجايىن الىپ، ۇرلاۋشىنىڭ ءۇيىن انىقتاپ الدى. قىلمىسكەر قاماۋعا الىندى.

ۇرلانعان قىز وتباسىنا ورالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى