قاراعاندىدا مەديتسينا مەكەمەسىنەن قاشىپ كەتكەن قىلمىسكەر ۇستالدى
جەدەل- ىزدەستىرۋ ءىس- شارالارى بارىسىندا 18-شىلدەدە قاشىپ كەتكەن ادامدى پوليتسيا دەپارتامەنتى مەن ءوڭىردىڭ ق ا ج د جەدەل قىزمەتكەرلەرى ۇستادى.
«قاراعاندى قالالىق پوليتسيا باسقارماسى، ميحايلوۆ پوليتسيا ءبولىمىنىڭ كريمينالدىق پوليتسيا قىزمەتكەرلەرىن جۇرگىزگەن كەشەندى جەدەل-ىزدەستىرۋ ءىس-شارالارى بارىسىندا اۋرۋحانادان قاشىپ كەتكەن، سوتتالعان ازامات قالاداعى گاراجداردىڭ ءبىرىنىڭ ماڭىنان ۇستالدى. ول پوليتسيا بولىمىنە جەتكىزىلدى. تەرگەۋ ارەكەتتەرى جۇرگىزىلۋدە»، - دەپ مالىمدەدى پ د باسپا ءسوز قىزمەتى.
ەستەرىڭىزگە سالا كەتەيىك، بۇگىن قاراعاندىداعى مەديتسينالىق مەكەمەلەردىڭ بىرىنەن قاۋىپتى قىلمىسكەر قاشىپ كەتكەن بولاتىن. ول 35 جاستا، ب ق و تۋماسى، اۋىر قىلمىس جاساعانى ءۇشىن سوتتالعان.
اتالمىش فاكت بويىنشا قاراعاندى وبلىسىنىڭ پوليتسيا دەپارتامەنتى قازاقستان رەسپۋبليكاسى قىلمىستىق كودەكسىنىڭ 426-بابى بويىنشا «باس بوستاندىعىنان ايىرۋ ورىندارىنان، قاماۋدان قاشۋ» بويىنشا سوتقا دەيىنگى تەرگەۋ جۇرگىزۋدە.
سونىمەن قاتار، قىلمىستىق-اتقارۋ جۇيەسىنىڭ قاراعاندى وبلىسى جانە ۇلىتاۋ وبلىسى بويىنشا دەپارتامەنتى قىزمەتتىك تەكسەرۋدى باستادى.
