قاراعاندى وبلىسىندا اۋىر قىلمىس جاساعان ادام مەديتسينا مەكەمەسىنەن قاشىپ كەتتى
«قاراعاندى وبلىستىق پوليتسيا دەپارتامەنتىنىڭ قىزمەتكەرلەرى شىلدە ايىنىڭ 18 نە قاراعان ءتۇنى مەديتسينا مەكەمەسىنەن قاشىپ كەتكەن سوتتالعان ازاماتتىڭ مەكەنجايىن انىقتاۋ جانە ۇستاۋ بويىنشا كەشەندى ءىس-شارالار جۇرگىزىپ جاتىر. 35 جاستاعى باتىس قازاقستان وبلىسىنىڭ تۋماسى اۋىر قىلمىس جاساعانى ءۇشىن سوتتالعان. ازاماتتىڭ قاشىپ كەتۋ دەرەگى بويىنشا قاراعاندى پوليتسياسى گارنيزونىنىڭ جەكە قۇرامىنا حابارلاندى»، - دەلىنگەن پوليتسيانىڭ اقپاراتىندا.
قاشقىننىڭ سىرت بەلگىلەرى: تولىق دەنەلى، بويى 165 س م، شاشى قارا. ۇستىندە اق فۋتبولكا، قارا اياق كيىم، قارا شالبار جانە باسىندا قارا كەپكا بولعان.
«قالا تۇرعىندارىنان سيپاتتالعان ادامعا ۇقساس ازاماتتى كورگەندەر بولسا 102 تەلەفونىنا حابارلاسۋلارىڭىزدى سۇرايمىز. پوليتسيا وبلىس تۇرعىندارىنان وتكىزىلىپ جاتقان ءىس-شارالارعا تۇسىنىستىكپەن قاراۋلارىن سۇرايدى»، دەپ مالىمەتتى پوليتسيادان.
