استانا اكىمى سالعىرتتىق تانىتقان قۇرىلىس سالۋشىلاردى سوتقا بەرەتىنىن ايتتى
«ءبىرقاتار تۇرعىن ءۇي كەشەنىنىڭ تۇرعىندارىمەن جەرگىلىكتى ورىنداردا تىكەلەي كەزدەستىم. ولاردىڭ ۇيلەرى جەكە قۇرىلىس سالۋشىلاردىڭ سالدارىنان كەشىكتىرىلىپ جاتىر. ماسەلەن، ولار - «قازانات-2»، «سوفيا»، «وازيس»، «Arai apartaments» تۇرعىن ءۇي كەشەندەرى. كەستە بويىنشا كورسەتىلگەن ۋاقىتتان كەشىكتىرىلگەنىنەن بولەك قۇجات، قارجىلاندىرۋ جانە ت. ب. بويىنشا پروبلەمالار بار. انىقتالعان زاڭبۇزۋشىلىقتار بويىنشا قۇرىلىس سالۋشىلار اكىمشىلىك جاۋاپكەرشىلىككە تارتىلدى. كەزدەسۋگە پارلامەنت ءماجىلىسىنىڭ دەپۋتاتى داۋلەت مۇقايەۆ قاتىستى. قۇرىلىس سالۋشىلاردى وزگەلەردىڭ تاعدىرىنا بەي-جاي قاراماۋعا شاقىرامىن! ەگەر زاڭدى تالاپتار ورىندالماسا ءارى زاڭبۇزۋشىلىقتار ۋاقىتىندا جوندەلمەسە، ءىس سوتقا جىبەرىلەدى. ماتەريالدار قىلمىستىق تۇرعىدا قارالاتىن بولادى. ال نىساندار وزگە ينۆەستورلارعا تاپسىرىلادى»، - دەپ جازدى جەڭىس قاسىمبەك.
ايتۋىنشا، وسىعان ۇقساس پروبلەمالار «ساپسان»، «Diana» ،«R-club» ،«R-club Deluxe»، «اسكەر 1 جانە 2»، «اقتاۋ سيتي» تۇرعىن ءۇي كەشەندەرىندە دە بار. اكىم قۇقىق قورعاۋ ورگاندارىمەن بىرلەسە پروبلەمالى ۇيلەردىڭ قۇرىلىسى نازاردا ۇستالاتىندىعىن ءمالىم ەتتى.
