بالاباقشا، تۇزەتۋ ورتالىقتارى سياقتى مەكەمەلەرگە قاتىستى ارىز-شاعىم كوپتەپ تۇسۋدە

بالا قۇقىقتارى جونىندەگى ۋاكىلدىڭ ايتۋىنشا، ماۋسىم ايىنان بەرى بالالار لاگەرلەرىنىڭ كۇيىنە قاتىستى ارىزدار كوپ تۇسكەن.

«الماتى ماڭىنداعى «ارمان دالا» لاگەرىنە قاتىستى. كەشە تۇستە ءبىلىم باسقارماسىنىڭ قىزمەتكەرلەرى لاگەرگە جولعا شىقتى. ۇيىممەن جاسالعان كەلىسىم-شارت بۇزىلاتىن بولدى. لاگەر يەسىنە ءتيىستى شارالار قابىلدانادى. بۇدان بولەك، ۋاكىلەتتى تۇلعالاردى جاۋاپكەرشىلىككە تارتاتىن تەكسەرىس جۇرگىزىلەتىن بولادى. تۇركىستان وبلىسىنىڭ كەيبىر لاگەرلەرىندەگى جاعداي دا بۇعان ۇقساس، وتكەن ايدا بىرنەشەۋىن ارالاپ كورگەن ەدىم. ارىپتەستەرىم تۇركىستان وبلىسىنداعى جانە قىزىلوردا وبلىسىنداعى بالا قۇقىقتارى جونىندەگى ۋاكىلدەر گۇلجان ۆەروتسكايا مەن جاپىراق ۇزاقبايەۆا دا وبلىستارىنىڭ لاگەرلەرىن ارالاپ شىقتى»، - دەپ جازادى دينار زاكيەۆا.

ونىڭ سوزىنشە، قازاقستاندا 120 مەملەكەتتىك، 98 جەكە مەنشىك، 900 شاتىرلى جانە 9,5 مىڭ مەكتەپ جانىنداعى لاگەر قىزمەت كورسەتەدى.

«قازىر لاگەر اشۋ ءۇشىن سەس پەن ت ج د-نەن رۇقسات قاعازىن الۋ قاجەت. جاعدايلارى سۇمدىق، ءارى تالاپتارعا ساي كەلمەيتىن بۇنداي جەكە مەنشىك ۇيىمداردىڭ ولاردان قالايشا رۇقسات الا العانى كۇمان تۋدىرادى. الدى ما؟ ويتكەنى، انىقتالعانداي، س ە س-تىڭ رۇقسات قاعازىنسىز جۇمىس ىستەپ جاتقان لاگەرلەر دە بار. تيىسىنشە، سۇراق كونكۋرس وتكىزۋ راسىمىنە قاتىستى. بۇل ءۇشىن جاۋاپكەرشىلىككە تارتۋ قاجەت دەپ سانايمىن، ءتيىستى سۇراۋ سالدىم. سونىمەن قاتار، بۇعان دەيىن ايتقانىمداي، بۇل - جۇيەلى ماسەلە»، - دەدى ول.

دينارا زاكيەۆا بۇگىندە بالالارعا ارنالعان ۇيىمدار جۇمىسىنىڭ ءبىرىڭعاي ستاندارت- تالاپتارى، ولاردى زاڭنامالىق تۇرعىدان رەتتەۋ جوق ەكەنىن ايتتى. سەبەبى، تەكسەرىسكە موراتوري جاريالانعان.

«بالاباقشالارعا، دامىتۋ، تۇزەتۋ ورتالىقتارى سياقتى ءتۇرلى مەكەمەگە قاتىستى ارىز، شاعىمدار كوپ ءتۇسىپ جاتىر. وسى ماسەلەنى شەشۋ ماقساتىندا قازىر ءبىز مەملەكەتتىك ورگاندارمەن پىسىقتاپ جاتقان نورمالاردىڭ ىشىندە ءموراتوريدى الىپ تاستاۋ تۋرالى، قىزمەت كورسەتۋگە رۇقسات بەرۋدى رەتتەۋ تۋرالى جانە بالالارعا ارنالعان باردىق مەكەمەگە ءبىرىڭعاي ستاندارتتار مەن ەرەجەلەر ەنگىزۋ تۋرالى نورما بار. بۇل ۇسىنىستاردى كۇزدە پارلامەنتكە جىبەرمەكپىز.

ماسەلەنى شەشۋ ءۇشىن قازىر ءبىز مەملەكەتتىك ورگاندارمەن پىسىقتاپ جاتقان نورمالاردىڭ اراسىندا كەلەسىلەردى قاراستىردىق:

- تەكسەرۋگە موراتوريدى الىپ تاستاۋ؛

- بالالارعا قىزمەت كورسەتەتىن بارلىق ۇيىمدار ءۇشىن ليتسەنزيالاۋدى ەنگىزۋ. ءبىرىڭعاي تالاپتار، ەرەجەلەر، ستاندارتتار قاجەت. ارينە، بۇل رەتتە اشىقتىق مەحانيزمدەرىن قاراستىرۋ ماڭىزدى. اتالمىش شارالاردىڭ قاجەتتىلىگى وتە وتكىر تۇر»، - دەپ جازدى جەلىدە ق ر بالا قۇقىقتارى جونىندەگى ۋاكىل دينارا زاكيەۆا.

ەسكە سالايىق، الماتىلىق وقۋشىلاردى دەمالىسقا جازعى لاگەرگە ەمەس، ساۋناعا جىبەرىلگەن ەدى.

وسى وقيعادان سوڭ الماتى پروكۋراتۋراسى ساۋنا عيماراتىندا بالالار لاگەرىن ۇيىمداستىرۋ ءىسى بويىنشا تەرگەۋ باستادى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى