قازاقستاندىق وقۋشىلار فيزيكادان حالىقارالىق وليمپيادادا بەس مەدال يەلەندى

وقۋ- اعارتۋ مينيسترلىگىنىڭ مالىمەتىنشە، جارىسقا الەمنىڭ 83 ەلىنەن 415 وقۋشى قاتىسقان. قازاقستاندىق وقۋشىلار ءتورت كۇمىس، ءبىر قولا جۇلدەگە يە بولىپ، ۇزدىك ناتيجە كورسەتتى:

ەرسۇلتان پىتەباي - الماتى قالاسىنداعى د ب ب ۇ «ف م ب ن ز م» وقۋشىسى؛

اليشەر ەركەبايەۆ - اقتوبە قالاسىنداعى د ب ب ۇ «ف م ب ن ز م» وقۋشىسى؛

مارعۇلان نۇرساعاتوۆ - الماتى قالاسىنىڭ №165 مامانداندىرىلعان ليتسەيىنىڭ وقۋشىسى؛ دوسجان بيسيمبي - الماتى قالاسىنىڭ «ميراس» حالىقارالىق مەكتەبىنىڭ وقۋشىسى؛

داير نۇرتايەۆ - پاۆلودار قالاسىنىڭ دارىندى بالالارعا ارنالعان № 8 ليسەي- مەكتەبىنىڭ 11-سىنىپ وقۋشىسى؛

قۇراما كوماندانىڭ جەتەكشىلەرى - PhD دوكتورى، سۇلەيمان دەميرەل اتىنداعى ۋنيۆەرسيتەتتىڭ دوتسەنتى سامات ماقسۇتوۆ جانە ءال- فارابي اتىنداعى قازاق ۇلتتىق ۋنيۆەرسيتەتىنىڭ دوكتورانتى اندرەي سيدورەنكو.

«وقۋشىلاردىڭ ءبىلىمى مەن داعدىلارى ەكى تۋر بويىنشا سىنالدى. ءبىرىنشى تۋر تەوريالىق ەسەپتەر، ەكىنشى تۋر - ەكسپەريمەنتتىك. وندا قاتىسۋشىلار زەرتحانالىق جۇمىستار جۇرگىزدى. بارلىق تاپسىرما قىزىقتى جانە مازمۇندى بولدى. ولاردىڭ شەشىمى تاپقىرلىق پەن رەفلەكسيانى قاجەت ەتتى. ءبىزدىڭ قۇراما تاماشا ناتيجە كورسەتتى»، - دەيدى كوماندانىڭ عىلىمي جەتەكشىسى سامات ماقسۇتوۆ.

وليمپياداعا قاتىسقان بارلىق جىلدارى قازاقستاندىق وقۋشىلار 114 ماراپاتقا يە بولدى. ونىڭ ىشىندە 14 التىن، 45 كۇمىس، 29 قولا مەدال جانە 25 قۇرمەت گراموتا بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى