الماتىدا اقىلى تۇراقتار بويىنشا جاڭا اقپاراتتتىق تاقتاشايلار ورناتىلىپ جاتىر
كوممۋنالدىق كاسىپورىننىڭ باعدارلامالىق جاساقتاماسى تولىق ىسكە قوسىلعانعا دەيىن بۇرىن قالانىڭ اۆتوتۇراقتارىن باسقارعان «ا - parking» كومپانياسى ءوز قىزمەتىن جالعاستىرىپ، تولەمدەردى قابىلدايدى. وسى كەزەڭدە جينالعان بارلىق قاراجات ءبىرىڭعاي وپەراتوردىڭ شوتىنا بەرىلەتىن بولادى، دەپ حابارلايدى قازاقپارات ءتىلشىسى.
الماتى قالاسى اكىمدىگىنىڭ مالىمەتىنشە، اۆتوتۇراقتاردى ەنگىزۋ ءار اۋدان بويىنشا كەزەڭ كەزەڭمەن، جەكە جۇزەگە اسىرىلادى. العاشقى اۆتوتۇراق مەدەۋ اۋدانىندا ىسكە قوسىلماق.
«بۇگىندە تروتۋار ۇلگىسىندەگى اقىلى اۆتوتۇراقتاردا جەردى قايتا رەسىمدەۋ جۇمىستارى اياقتالدى. مەدەۋ اۋدانىندا جاڭا وپەراتوردى كورسەتە وتىرىپ، اقپاراتتىق تاقتايشالاردى اۋىستىرۋ باستالدى. باقىلاۋ تاقتالارى سونىمەن قاتار ايماق ءنومىرىن، تۇراق ۋاقىتىن جانە تولەم ادىستەرىن كورسەتەدى. جاڭا اقپاراتتىق تاقتايشالارى بار اۋداندار فوتو- بەينەتىركەۋدىڭ ءموبيلدى كەشەندەرىمەن باقىلاناتىن بولادى. جاڭا پليتكالار مەن ايماقتار بەلگىلەنبەگەن جەرلەردە تولەم ۋاقىتشا الىنبايدى»، - دەپ حابارلادى اكىمدىكتەن.
بۇگىندە ءۇش تولەم ءادىسى قولدانىلادى: 1. ەكىنشى دەڭگەيلى بانكتەر ارقىلى تاقتادا كورسەتىلگەن جالعىز QR كودى ارقىلى. قازىرگى ۋاقىتتا اۆتوتۇراقتاردى تولەۋ Kaspi قوسىمشاسىنىڭ كومەگىمەن قولجەتىمدى. Halyk Bank قوسىمشاسىن 2023 -جىلدىڭ تامىز ايىنىڭ سوڭىنا دەيىن قوسۋ جوسپارلانىپ وتىر.
سونداي- اق Forte Bank, Jusan Bank, «بانك سەنتركرەديت» قوسىمشالارىن قوسۋ ماسەلەسى پىسىقتالىپ جاتىر.
2. Android قولدانۋشىلارى Play Store دۇكەنىنە ورناتا الاتىن «الماتى اۆتوتۇراقتارى» موبيلدى قوسىمشاسى ارقىلى. Apple پايدالانۋشىلارىنا ارنالعان قوسىمشا Apple Store ماقۇلداعاننان كەيىن قولجەتىمدى بولادى. بولجامدى مەرزىم - وسى جىلدىڭ تامىز ايىنىڭ ەكىنشى جارتىسى.
3. سايت ارقىلى almaty-parking.kz. تولەم ءۇشىن كارتادا تۇراق تاڭداۋ كەرەك، كولىك ءنومىرىن جانە تۇراق ۋاقىتىن كورسەتۋ، سودان كەيىن تولەم كارتاسىنىڭ مالىمەتتەرىن ەنگىزىپ، تولەمدى اياقتاۋ قاجەت.
كارتامەن تولەم Halyk Bank ينتەرنەت- ەكۆايرين ارقىلى جۇزەگە اسىرىلادى. 2023 -جىلدىڭ 11 -تامىزىنان باستاپ اۆتوكولىك يەلەرى SMS ارقىلى جانە Qiwi جانە kassa24 تەرمينالدارى ارقىلى تۇراق اقىسىن تولەۋگە مۇمكىندىك الادى. 2023 -جىلدىڭ 11 تامىزىنان باستاپ اۆتوكولىك يەلەرى تۇراق اقىسىن SMS ارقىلى جانە Qiwi جانە كاssa24 تەرمينالدارى ارقىلى تولەي الادى.
«الماتى پاركينگ» ش ج ق كمك اۋدان اكىمدىكتەرىمەن بىرلەسىپ، ەڭ كوپ جۇرەتىن كوشەلەردى انىقتاۋ بويىنشا جۇمىس جالعاسىپ جاتىر. اقىلى تۇراقتاردى ورناتۋ ءۇشىن ورىندار بەلگىلەنەدى. اۆتوتۇراقتار الماتى قالاسى اكىمدىگىنىڭ بەكىتىلگەن ەرەجەلەرىنە سايكەس جۇمىس ىستەيدى. قازىر قولدانىستاعى تاريفتەر ساقتالادى.
