ريكاردو كاكا: جەرەبە تارتۋ ءراسىمىن تازا جۇرەكپەن قابىلداۋ كەرەك
جەرەبە تارتۋ ءراسىمىن تازا جۇرەكپەن قابىلداۋ كەرەك. الدەبىر كوماندانىڭ ءبىزدىڭ توپقا تۇسكەنىن قالاۋدىڭ قاجەتى جوق دەپ ۇنەمى ويىنشىلارعا ايتامىن. جەرەبە قالاي تارتىلادى، قارسىلاستار سول ارقىلى انىقتالادى، - دەدى باس باپكەر.
الەم چەمپيوناتىنىڭ فينالدىق كەزەڭىنە شىعۋ ءۇشىن قازاقستان قۇراماسى نيدەرلاند، رۋمىنيا جانە ازەربايجان قۇرامالارىمەن كۇش سىناسادى. كاكا جەرەبە ناتيجەسى بويىنشا بۇرىننان تانىس قارسىلاستار كەزدەسىپ وتىرعانىن ايتادى.
ازەربايجان قۇراماسىمەن ءجيى وينايمىز. ءبىز ءۇشىن دە، ولار ءۇشىن دە قاشىقتىق قىسقاراق بولماق. ىرىكتەۋ ويىندارىندا قارسىلاسقا جەتۋ ءۇشىن جول ساپارى ۇنەمى ۇزاق بولاتىن. ەندى ەكى كوماندا ءۇشىن قولايلى بولعالى تۇر. ازەربايجان قۇراماسى - برازيليالىق ويىنشىلارمەن جاقسى جاساقتالعان جانە بىلىكتى باپكەرى بار تانىس كوماندا. رۋمىنيا قۇراماسى دا بىزگە بويدى ەركىن ۇستاۋعا مۇمكىندىك بەرمەيدى. سوڭعى الەم چەمپيوناتىنىڭ ىرىكتەۋ كەزەڭىندەگى تاجىريبەسىن جاقسى بىلەمىز. نەگىزگى ىرىكتەۋ كەزەڭىندە رۋمىنيانى ءوز الاڭىندا ۇتىپ، چەحيادا وتكەن ەليتالىق ويىندا جەڭىلگەن ەدىك. ءبىز بارلىق قارسىلاستاردى قاتتى قۇرمەتتەيمىز. نيدەرلاند - ءار ۋاقىتتا ءوسىپ، وزگەرەتىن كوماندا. ۇجىمدى يسپانيادان كەلگەن وتە ساۋاتتى باپكەر ميگەل اندرەاس قابىلدادى. ول «ۋدينەزە» جانە «بارسەلونادا» جۇمىس ىستەگەن. توپ وتە بىركەلكى جانە جاقسى دەپ ايتا الامىن. ءبىز دايىندالامىز، الدىمىزدا الەم چەمپيوناتىنىڭ فينالدىق كەزەڭىنە شىعۋ مىندەتى تۇر، - دەدى ول.
