ماس جۇرگىزۋشىنى ساۋ ەتىپ كورسەتكەن قوستانايلىق ناركولوگتارعا سوت ۇكىمى شىقتى
«ايىپتالۋشى م. ءوزىنىڭ قاراماعىنداعى س. , م- تە جانە ح- نىڭ بايانداماسىنان ش- نىڭ كولىك قۇرالىن باسقارۋ كەزىندە ماس كۇيىندە بولعانىن جانە ونى اكىمشىلىك جاۋاپكەرشىلىكتەن زاڭسىز بوساتۋ ماقساتىندا س. جانە م- تە ناركولوگتارىنا كۋالاندىرۋ ناتيجەلەرىن وزگەرتۋدى تاپسىرعان»، - دەلىنگەن سوت ماتەريالىندا.
ايىپتالۋشىلار سوتتا ءوز كىناسىن تولىق مويىنداعان.
«سوت ايىپتالۋشى م- عا قىلمىستىق كودەكستىڭ 58-بابىنىڭ 2- ءبولىمىن قولدانا وتىرىپ، 2 جىلعا باس بوستاندىعىن شەكتەۋ ارقىلى بەلگىلى ءبىر لاۋازىمداردى يەلەنۋ جانە بەلگىلى ءبىر قىزمەتپەن اينالىسۋ قۇقىعىنان ءومىر بويى ايىرۋ جازاسىن تاعايىندادى. س. جانە ح- عا قاتىستى جازانى وتەۋدىڭ بارلىق مەرزىمىنە پروباتسيالىق باقىلاۋ بەلگىلەي وتىرىپ، 1 جىل 6 ايعا، ال م- تە 1 جىلعا باس بوستاندىعىن شەكتەۋ جازاسى تاعايىندالدى»، - دەلىنگەن سوت ۇكىمىندە.
ۇكىم زاڭدى كۇشىنە ەنگەن جوق.
