سەرپىن باعدارلاماسىنا بولىنگەن مەملەكەتتىك ءبىلىم گرانتى جىلدا يگەرىلمەيدى

«ەرىكتى قونىس اۋدارۋ باعدارلاماسىنا «ماڭگىلىك ەل جاستارى يندۋسترياعا!» باعدارلاماسىنىڭ تۇلەكتەرى دە قاتىسادى. الداعى وقۋ جىلىندا جوعارى وقۋ ورىندارى بازاسىندا «سەرپىن» باعدارلاماسى بويىنشا كادرلار دايارلاۋعا 3 653 گرانت قارالعان. الايدا، 2018 -جىلدان باستاپ جوعارى ءبىلىم بەرۋدەگى مەملەكەتتىك گرانتتار تولىق كولەمدە يگەرىلمەي كەلەدى. ماسەلەن، 2021 -جىلى 5656 گرانت ءبولىنىپ، 2102 ادام نەمەسە 37,2 پايىز قابىلداندى. وسىعان وراي، «سەرپىن» باعدارلاماسى بويىنشا كۆوتا كولەمى 10 پايىزدان 5 پايىزعا دەيىن قىسقارتىلدى»، - دەيدى ۇكىمەت باسشىسى جاۋابىندا.

اتالعان باعدارلامانى ىسكە اسىرۋ تيىمدىلىگىنە تالداۋ جۇرگىزۋ ماقساتىندا جاس ماماندار ءۇشىن ودان ءارى جاعداي جاساۋعا باعىتتالعان ۇسىنىستار ازىرلەۋ جونىندەگى جۇمىس توبى قۇرىلعان. سونداي- اق، مىناداي ءىس- شارالار قابىلدانعان:

1) باعدارلاماعا قاتىسۋشىلاردى وقۋ ورىندارىندا بەيىمدەۋ، جاتاقحانامەن، شاكىرتاقىمەن، تاماقتانۋمەن، جول ءجۇرۋ اقىسىمەن قامتاماسىز ەتۋ قىزمەتى ۇيىمداستىرىلدى؛

2) باعدارلامانىڭ ىسكە اسىرىلۋىن مونيتورينگتەۋ، باقىلاۋ جانە باعالاۋ جۇيەسىن اۆتوماتتاندىرۋ جانە سيفرلاندىرۋ ءۇشىن اقپاراتتىق جۇيەنىڭ جۇمىسى قامتاماسىز ەتىلدى؛

3) تۇلەكتەردى جۇمىسپەن قامتۋ جانە ولارعا جاردەمدەسۋ ءۇشىن جوعارى وقۋ ورىندارىنىڭ بازالارىندا مانساپ جانە كاسىپتىك دامۋ ورتالىقتارى جۇمىس جاسايدى.

«سونىمەن قاتار، كۆوتا شەگىندە پەداگوگيكالىق، مەديتسينالىق، ۆەتەريناريالىق جانە اۋىل شارۋاشىلىعى ماماندىقتارى بويىنشا وقۋعا تۇسكەن اۋىل جاستارىنىڭ جۇمىسپەن وتەۋ مەرزىمىن ءۇش جىلدان ەكى جىلعا دەيىن قىسقارتىپ، بارلىق جۇمىس كۇشى تاپشى وڭىرلەردە جۇمىستى وتەۋ مۇمكىندىگىن بەردى»، - دەگەن پرەمەر- مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى