دەلدالدار كومىردى ەكى ەسە قىمبات باعاعا ساتقان - اگەنتتىك
باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە، كومىر ءوندىرۋشى كومپانيالار بيرجالىق ساۋدا- ساتتىقتى پايدالانادى. وندا ءىرى كولەمدە (3 ميلليون تونناعا دەيىن نەمەسە جىلدىق جونەلتىلىم كولەمىنىڭ %71 دەيىن) بىرنەشە جىل ىشىندە وزگەرمەيتىن، شەكتەۋلى جەتكىزۋشىلەرگە (2 دەن 17 گە دەيىن) بىرنەشە مينۋت ىشىندە ساتىلىپ كەتەدى.
اتالمىش مامىلەلەر، جۇمىس تولەممەن دە، ءتيىستى جونەلتۋ جولىمەن دە قامتىلمايدى، سونداي- اق مۇنداي دەلدالداردا ارنايى ينفراقۇرىلىم (قويمالار، تيەۋ- ءتۇسىرۋ تەحنيكاسى جانە ت. ب. ) بولمايدى. دەلدالدار كومىردى ساۋدا كەزىندە %100 عا دەيىن جەتەتىن اقى قوسىپ ساتادى.
مىسالى، 2022 -جىلعى جەلتوقساندا «حالىق كومىر» ج ش س «قاراجىرا» ا ق- نىڭ «كاسپي «ت ب» اق تاۋار بيرجاسى ارقىلى 120 مىڭ توننا كولەمىندە كومىردى ورتاشا ولشەنگەن باعاسى - 6500 تگ/تن بويىنشا ساتىپ الىپ، 12 595 تگ/تن ءۇشىن قايتا ساتۋدى جۇزەگە اسىرعان.
وسىعان بايلانىستى، ق ر باسەكەلەستىكتى قورعاۋ جانە دامىتۋ اگەنتتىگى (ب ق د ا) كومىر نارىعىنداعى باسەكەلەستىكتى دامىتۋ جونىندەگى جول كارتاسىن قابىلدادى. وندا بيرجالىق ساۋدا- ساتتىق ۇلەسىن %50 عا دەيىن ۇلعايتۋ كوزدەلگەن. مۇنداي مولشەردەگى تاۋار دەلدالدارعا ەمەس، تىكەلەي ءتيىستى ينفراقۇرىلىمى بار كومىر وندىرۋشىلەرىنە ساتىلادى دەلىنگەن.
سونداي- اق، ءىرى بيزنەسكە باعدارلانعان جانە دەلدالدارعا كومىر وتكىزۋدى قامتاماسىز ەتەتىن «ىڭعايلى» بيرجالارىن جويۋ ماقساتىندا ب ق د ا بيرجالىق ساۋدامەن اينالىسۋعا ارنالعان ليتسەنزيادان ايىرۋ بويىنشا جۇمىس جۇرگىزۋدە.
وسىلايشا، تاۋار بيرجالارى تۋرالى زاڭنامانىڭ بۇزىلۋىنا بايلانىستى ب ق د ا اكىمشىلىك قۇقىق بۇزۋشىلىق تۋرالى 19 ءىس قوزعالدى، 6 تاۋار بيرجاسى ءوز قىزمەتىن توقتاتتى، ونىڭ 4 ءى تەكسەرۋ الدىندا ەرىكتى نەگىزدە جانە 2 ءسى سوت شەشىمى بويىنشا جۇمىسىن توقتاتتى.
