كەلەر جىلعا دەيىن ەل اۋماعىنان قولما- قول ءرۋبلدى اكەتۋگە رۇقسات بەرىلدى
«قازاقستان رەسپۋبليكاسىنىڭ ەكىنشى دەڭگەيدەگى بانكتەرىنە قازاقستان اۋماعىنان قولما- قول رەسەي ءرۋبلىن اكەتۋگە رۇقسات ەتىلسىن. ق ر قارجى مينيسترلىگى ق ر ۇلتتىق قاۋىپسىزدىك كوميتەتىمەن بىرلەسىپ، وسى قاۋلىنى ىسكە اسىرۋ بويىنشا قاجەتتى شارالار قابىلداسىن. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە 2024 -جىلعى 1- قاڭتارعا دەيىن قولدانىلادى» ، - دەپ جازىلعان پرەمەر- مينيستر ءاليحان سمايىلوۆ قول قويعان ۇكىمەت قاۋلىسىندا.
ەسكە سالايىق، بىلتىر دا ەكىنشى دەڭگەيلى بانكتەرگە قولما- قول رەسەي ءرۋبلىن ءبىر رەتتىك تارتىپپەن 60 كۇن ىشىندە قازاقستان اۋماعىنان اكەتۋىنە رۇقسات ەتىلگەن ەدى. وندا ۇلتتىق بانك مۇنداي باستاما ءرۋبلدى قولما- قول اقشاسىز فورماعا كونۆەرتاتسيالاۋ جانە بانكتەردىڭ كوررەسپوندەنتتىك شوتتارىن تولتىرۋ ماقساتىندا ۇسىنىلعانىن ءتۇسىندىرىپ ەدى.
