دجەيمس كەمەرون «تيتان» باتيسكافى تۋرالى سەريال تۇسىرمەيتىنىن ايتتى
تانىمال رەجيسسەر وتكەن ايدا بەس ادام قازا تاپقان «تيتان» باتيسكافى تراگەدياسى مەن جوباسىنا قاتىسى بار ەكەنى تۋرالى قاۋەسەتتى جوققا شىعاردى.
«ادەتتە، ب ا ق- تاعى وسەك- اياڭعا ءمان بەرمەيمىن، ءبىراق قازىر پىكىر ءبىلدىرۋىم قاجەت بولىپ تۇر. مەن OceanGate تۋرالى فيلم تۇسىرىلىمىنە بايلانىستى كەلىسسوزگە قاتىسقان جوقپىن جانە ەشقاشان قاتىسپايمىن»، - دەپ جازدى 68 جاستاعى كەمەرون.
كەمەرون تيتانيك قالدىقتارىنا تەرەڭ سۇڭگۋ تاجىريبەسى بار ەكەنىن ەسكەرىپ، ستريمينگ كومپانيامەن ءىرى جوبا تۋرالى كەلىسسوز جۇرگىزىپ جاتقانى جايلى اقپارات پايدا بولعاننان كەيىن كەمەرون ونىڭ جالعان ەكەنىن مالىمدەدى.
18- ماۋسىمدا «تيتان» باتيسكافىمەن بايلانىس ۇزىلگەننەن كەيىن كەمەرونعا قوعامنىڭ نازارى اۋدى. سەبەبى رەجيسسەر 111 جىل بۇرىن باتىپ كەتكەن كەمەگە 33 رەت سۇڭگىگەن.
كەمەرون باتيسكاف سۋعا سۇڭگي سالا جارىلىپ، بورتتاعى بەس جولاۋشىنىڭ ءبارى مەرت بولعان دەگەن بولجامدى ايتقانداردىڭ ءبىرى بولدى.
ول كەمەنى بىرنەشە كۇن ىزدەۋدى «ناشار سپەكتاكل» دەپ اتاپ، «باتيسكاف جوعالىپ كەتكەننەن بىرنەشە كۇن وتكەندە ادام امان قالۋى مۇمكىن ەمەس» دەپ مالىمدەدى.
«مەن ەش كۇماندانعان جوقپىن. باتيسكاف قازىر تابىلعان جەردە، تەرەڭدە ەكەنىن ءبىلدىم» ، - دەدى ول سول كەزدە BBC News كە.
بۇعان دەيىن قازاقپارات «تيتانيك» بلوكباستەرىن تۇسىرگەن دجەيمس كەمەرون «تيتان» باتيسكافىنىڭ اپاتى تۋرالى درامالىق تەلەحيكايا ءتۇسىرۋ ءۇشىن كەلىسسوز جۇرگىزىپ جاتقانىن حابارلاعان بولاتىن.
باتيسكاف بورتىندا 5 ادام بولدى: 58 جاستاعى بريتاندىق بيزنەسمەن ءارى زەرتتەۋشى حەميش حاردينگ، 48 جاستاعى بيزنەسمەن، پاكىستاندىق شاحزادا داۆۋد پەن ونىڭ 19 جاستاعى ۇلى سۋلەيمان، OceanGate كومپانياسىنىڭ 61 جاستاعى ديرەكتورى ستوكتون راش جانە 77 جاستاعى فرانسۋزدىق زەرتتەۋشى پول- انري نارجولە.
