ەندى ايىپتالۋشىنىڭ وتىنىشىنە قاراماستان ادۆوكات تەرگەۋدىڭ بارلىق پروتسەسىنە قاتىسا الادى
بۇل تۋرالى ءماجىلىس دەپۋتاتتارىنىڭ باستاماسىمەن وزگەرىس ەنگىزىلۋى مۇمكىن ق ر قىلمىستىق-پروتسەستىك كودەكسىنىڭ جاڭا رەداكتسياسىندا جازىلعان، دەپ حابارلايدى قازاقپارات ءتىلشىسى.
«قىلمىستىق پروتسەستى جۇرگىزەتىن ورگاندار مەن سوتقا دەيىنگى تەرگەپ-تەكسەرۋدى جۇزەگە اسىراتىن ادامدار ادۆوكاتتى الدىن الا حاباردار ەتۋگە جانە قورعالاتىن ادامنىڭ ءوزىنىڭ قاتىسۋىنا جانە ءوزى مالىمدەگەن ءوتىنىشحاتتارعا قاراماستان، ءوزىنىڭ قورعاۋىنداعى ادامنىڭ قۇقىقتارى مەن زاڭدى مۇددەلەرىن قوزعايتىن بارلىق تەرگەۋ جانە وزگە دە پروتسەستىك ارەكەتتەرگە قاتىسۋعا جىبەرۋگە مىندەتتى»، - دەلىنگەن قىلمىستىق-پروتسەستىك كودەكستىڭ جاڭا رەداكتسياسىندا.
كودەكستىڭ قولدانىستاعى تالابىندا مۇنداي نورما جوق. دەپۋتاتتاردىڭ پىكىرىنشە، وسى ەرەجەنىڭ بولماۋى ايىپتالۋشىنىڭ مۇددەسىن قورعايتىن ماماننىڭ كاسىبي قىزمەتىنە شەكتەۋ بولىپ وتىر.
