شيكى بالىق جەپ، جاڭبىر سۋىن ىشكەن: تىنىق مۇحيتتا ءۇش اي بويى قالقىپ جۇرگەن تەڭىزشى قۇتقارىلدى

تىنىق مۇحيتتان 51 جاستاعى اۆستراليالىق تيم شەددوك قۇتقارىلدى.

ول يتىمەن بىرگە كەمەسىندە ءۇش اي بويى اشىق مۇحيت بەتىندە قالقىپ جۇرگەن.

شەددوك ءساۋىر ايىندا كاتامارانعا ءمىنىپ، مەكسيكانىڭ لا پاس پورتىنان جولعا شىقتى.

ول تىنىق مۇحيت ارقىلى فرانسۋز پولينەزياسىنىڭ ارحيپەلاگىنا دەيىن 6000 شاقىرىم جولدى ەڭسەرۋدى جوسپارلاعان.

كەمەدە ونىڭ جانىندا بەللا اتتى ءيتى بولعان.

ساياحات باستالعاننان كەيىن ارادا بىرنەشە اپتا وتكەندە ولار داۋىلعا تاپ بولادى.

سول كەزدە كاتامارانداعى ەلەكترونيكا مەن راديوبايلانىس ىستەن شىعىپ، كەمەنى باسقارۋ مۇمكىن بولماي قالعان.

شەددوك پەن ونىڭ ءيتىن 6- شىلدەدە سول ماڭنان ءوتىپ بارا جاتقان تىكۇشاق بايقاپ قالعان. سوعان دەيىن ولار ءۇش اي بويى اشىق مۇحيتتا قالقىپ ءجۇردى.

وسى ۋاقىت ىشىندە اۆستراليالىق يتىمەن بىرگە جاڭبىر سۋىن ءىشىپ، مۇحيتتان ۇستاعان شيكى بالىقتى جەدى. شەددوكتىڭ بالىق اۋلايتىن تورى بار ەدى.

قازىر قۇتقارىلعاندار مەكسيكاعا بارا جاتىر.

«تەڭىزدە وتە اۋىر سىناقتان ءوتتىم. ەندى ماعان دەمالىس پەن جاقسى تاماق كەرەك. ويتكەنى كوپتەن بەرى جالعىز تىرشىلىك ەتتىم. ايتپەسە دەنساۋلىعىمدا ءبارى جاقسى»، - دەيدى تيم شەددوك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى