جاسوسپىرىمدەردى اسكەري ەسەپكە الۋ ءىسى اۆتوماتتاندىرىلدى

اتالعان پروتسەسس اۆتوماتتاندىرىلعان. اسكەرگە باراتىن جاستاردى ەسەپكە الۋ جۇمىستارى تۋرالى قورعانىس ءمينيسترىنىڭ ورىنباسارى دارحان احمەديەۆ ايتىپ بەردى، دەپ حابارلايدى قازاقپارات ءتىلشىسى اتالعان ۆەدومستۆونىڭ Telegram كانالىنا سىلتەمە جاساپ.

«اسكەري ەسەپكە الۋدى الىپ تاستاۋدىڭ باستى ماقساتى وسى باعىتتاعى جۇمىستاردىڭ تيىمدىلىگىن ارتتىرۋ. جالپى ەسەپكە الۋ ەكى ماقساتتى كوزدەيدى. ءبىرىنشى، 17 جاستاعى جاسوپىرىمدەردى ەسەپكە الۋ. ەكىنشىسى جاس ءوسپىرىمنىڭ اسكەري قىزمەتكە جارامدىلىعىن، ياعني دەنساۋلىق جاعدايىن ءبىلۋ. ءبىز اقپاراتتىق جۇيەنى موديفيكاتسيالاۋ جانە ونى باسقا دا مەملەكەتتىك ورگانداردىڭ جۇيەسىمەن ينتەگراتسيالاۋ ارقىلى 16-60 جاستاعى ەر ازاماتتاردى ەسەپكە الدىق. ەسەپكە الىنعان ازاماتتاردىڭ بارلىق جەكە دەرەكتەرى بار. وسىلايشا ازاماتتاردى ەسەپكە الۋدى ونلاين جۇزەگە اسىرىپ وتىرمىز»، - دەدى دارحان احماديەۆ «ونلاين-بريفينگ» باعدارلاماسىندا.

ۆيتسە-ءمينيستردىڭ ايتۋىنشا، جاسوسپىرىمدەردىڭ دەنساۋلىق جاعدايىن انىقتاۋ سالا مينيسترلىگىنىڭ قۇزىرەتىندە.

«دەنساۋلىق ساقتاۋ مينيسترلىگى 15-17 جاستاعى جاسوسپىرىمدەرگە جىل سايىن سكرينينگ جاسايدى. ياعني ماماندار جەتكىنشەكتەردىڭ دەنساۋلىق جاعدايىن باقىلاپ وتىرادى. بىزگە اقپاراتتىق جۇيەنى ينتەگراتسيالاۋدىڭ ارقاسىندا جاسوسپىرىمدەردىڭ دەنساۋلىق جاعدايىنا قاتىستى دەرەكتەر قولجەتىمدى. ماماندار ۇسىنعان مالىمەتتەرگە سۇيەنە وتىرىپ ءبىز جاس ءوسپىرىمنىڭ اسكەرگە جارامدىلىعىن انىقتايمىز»، - دەيدى ول.

سونداي-اق، د. احماديەۆ اتالعان جاڭاشىلدىق بيۋدجەتتىڭ ميللياردتاعان قارجىسىن ۇنەمدەۋگە مۇمكىندىك بەرەتىنىن ايتتى.

«جەرگىلىكتى اكىمدىكتەر جاسوسپىرىمدەردى اسكەري تىركەۋ جۇمىستارى مەن ونى ۇيىمداستىرۋعا قاراجات بولەتىن»، - دەيدى ءمينيستردىڭ ورىنباسارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى