اقتاۋدا ويىن الاڭىندا بالانى ۇرعان ايەل قاماۋعا الىنۋى مۇمكىن

ۆيدەو اۆتورىنىڭ ايتۋىنشا، بالالار فۋتبول ويناپ جۇرگەن. ءبىر كەزدە بالالاردىڭ ءبىرى تەپكەن دوپ ەكىنشى بالاعا تيگەن.

«دوپ تيگەن بالانىڭ اجەسى نەمەرەسىن قورعاپ، رەنجىتكەن بالانى ۇرا باستاعان. زارداپ شەككەن بالانىڭ اناسى بۇل ۋاقىتتا قالادا بولماعان، ال اكەسى جۇمىستا بولعان»، - دەيدى كۋاگەر.

پوليتسيا دەپارتامەنتىنەن حابارلاعانداي، ءتارتىپ ساقشىلارى اتالعان مەكەنجاي بويىنشا تەكسەرۋ جۇرگىزگەن جانە فاكتى راستالعان. وقيعا 14-شىلدەدە بولعان. 15-شىلدە كۇنى كەشكىسىن تاياق جەگەن بالانىڭ اتا-اناسى وبلىستىق بالالار اۋرۋحاناسىنا جۇگىنگەن.

«64 جاستاعى ايەلگە ق ر اكىمشىلىك كودەكسىنىڭ 73-1 بابى (دەنساۋلىققا قاساقانا جەڭىل جاراقات كەلتىرۋ) بويىنشا حاتتاما تولتىرىلىپ، شەشىم قابىلداۋ ءۇشىن اكىمشىلىك سوتقا جىبەرىلەدى»، - دەپ مالىمدەدى ۆەدومستۆودان.

ايىپتالۋشى 15 ا ە ك كولەمىندە ايىپپۇل تولەيدى نەمەسە 15 تاۋلىككە دەيىن اكىمشىلىك قاماۋعا الىنادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى