پاۆلودار وبلىسىنداعى ءورتتى سوندىرۋگە قورعانىس مينيسترلىگىنىڭ ۇشاقتارى كەلدى

بۇل تۋرالى قازاقپارات پاۆلودار ولىسى اكىمدىگىنىڭ رەسمي سايتىنا سىلتەمە جاساپ حابارلايدى.

ءورت سوندىرۋگە جەكە قۇرامنان 329 ادام، 101 تەحنيكا (ت ج م 161 ادام جۇمىلدىرىلدى.

قوسىمشا ساعات 5.13-تە سەمەي قالاسىنان قورعانىس مينيسترلىگىنىڭ مي-17، مي-171 ۇشاقتارى كەلدى.

ساعات 7.30-دا توتەنشە جاعدايلار ءمينيسترى جانە وبلىس اكىمى ورمانشىلىقتار اۋماعىن اۋەدەن تەكسەرىپ ءوتتى.

ءورتتىڭ بەلسەندى فازاسى باۋىرتال ورمانشىلىعىنىڭ 98 كۆارتالىندا بولىپ جاتىر، وندا ءورت كەي جەرلەردە تومەننەن جوعارىعا ورلەۋدە.

«جۇمىلدىرىلعان رەسۋرستارمەن ءورتتى قايتا بولدىرماۋ ماقساتىندا ءورتتىڭ شوقتارىن ءسوندىرۋ جۇمىستارى جۇرگىزىلۋدە. ەلدى مەكەندەرگە ءتونىپ تۇرعان قاۋىپ جوق»، - دەلىنگەن پاۆلودار وبلىسى اكىمىنىڭ باسپا ءسوز قىزمەتى تاراتقان اقپاراتتا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى