جەزقازعان جىلۋ ەلەكتر ورتالىعىندا اپات بولىپ، ستانسا جۇمىسى توقتاپ قالدى

كەشە، 13-شىلدە ساعات 21:12-دە قولايسىز اۋا رايى جاعدايىندا اقادىر- جەزقازعان 500 كۆ ەلەكتر بەرۋ جەلىسى اجىراتىلدى.

ەلەكتر جەلىسى پارامەترلەرىنىڭ وزگەرۋى جەزقازعان ج ە و-نىڭ №7 جانە 11-قازاندىقتارىنىڭ شاڭ قورەكتەندىرگىش قوزعالتقىشىنداعى جيىلىك تۇرلەندىرگىشتەرىنىڭ اجىراتىلۋىنان ولاردىڭ سونۋىنە اكەلدى.

بۋدىڭ بولماۋىنا بايلانىستى №4، 7-تۋربينالار توقتاتىلدى، سودان كەيىن گەنەراتسيا تولىق تومەندەدى.

ستانسانىڭ جۇمىس رەجيمىن قالپىنا كەلتىرۋ ءبىر ساعاتتان كەيىن 22:20-دا باستالدى.

تەحنولوگيالىق اقاۋ فاكتىسى بويىنشا جان- جاقتى تەرگەۋ جۇرگىزۋ ماقساتىندا اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنەن كوميسسيا قۇرىلدى.

«جەزقازعان ج ە و-نىڭ تولىق توقتاۋى ءبىرىنشى رەت ەمەس. 19-ماۋسىم ساعات 12:45-تە ءوزىنىڭ ەلەكتر قاجەتتىلىگىن جوعالتۋ سالدارىنان ستانسيا گەنەراتسياسى 129-دان 0 مۆت- قا دەيىن تومەندەگەن. جوعارىدا ايتىلعانداردىڭ نەگىزىندە Kazakhmys Energy ج ش س باسشىلىعىنا جەزقازعان جەو- نىڭ سەنىمدى جۇمىسىن قامتاماسىز ەتۋ جونىندە پارمەندى شارالار قابىلداۋ تاپسىرىلدى» دەپ حابارلادى ەنەرگەتيكا مينيسترلىگى.

Kazakhmys Energy-دىڭ قاۋىپسىز جۇمىس ماسەلەسى بويىنشا ارنايى كەڭەس 17-شىلدە دۇيسەنبى كۇنى مينيسترلىكتە وتكىزىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى