كابينەتتەن قۋىپ شىقتى: جاستار قوزعالىسى بايقوڭىر اۋدانى اكىمىنىڭ ۇستىنەن شاعىمداندى
بەلسەندىلەر ەرلان جاۋلىبايەۆ حالىقپەن جۇمىس ىستەۋدەن قاجىپ كەتكەن دەپ ەسەپتەيدى، دەپ حابارلايدى قازاقپارات ءتىلشىسى.
استاناداعى شاعىن پروبلەمالاردىڭ جيىنتىقتاپ، جۇيەلى تۇردە شەشۋ ءۇشىن ءتۇرلى اكسيالار وتكىزىپ جۇرگەن «جاڭا ادامدار» جاستار قوزعالىسىنى بەلسەندىلەرى وسىدان ءبىر اي بۇرىن قالا اكىمى جەڭىس قاسىمبەكپەن كەزدەسكەن بولاتىن.
سول كەزدە جاياۋ جۇرگىنشىلەرگە ارنالعان تروۋار پروبلەماسىن تۇبەگەيلى شەشۋ ءۇشىن اۋدان اكىمدەرىنە جاستارمەن تىعىز بايلانىستا جۇمىس ىستەۋدى تاپسىرعان.
تروتۋار ماسەلەسىن ءبىرجولا شەشۋگە قوسىمشا قارجى بولۋگە دايىن ەكەنىن ايتقان قالا باسشىلىعى اۋدان اكىمدەرىن اپتا سايىن قوزعالىس بەلسەندىلەرىنە ىستەلىپ جاتقان جۇمىس تۋرالى ەسەپ بەرۋگە مىندەتتەگەن.
«ءبىزدىڭ بەلسەندىلەر اكىمدەردەن ىستەلىپ جاتقان جۇمىس تۋرالى اقپارات الۋعا بارىن سالدى. اقىرى «قالا» ازاماتتىق اكسياسىنىڭ جەتەكشىسى ارلەن تاڭات ۇلى بايقوڭىر اۋدانىنىڭ اكىمى ەرلان جاۋلىبايەۆپەن 12-شىلدە كۇنى كەزدەسۋگە شاقىرتۋ العان. ءبىراق كەزدەسۋ كەزىندە اۋدان اكىمى بەلسەندىنى ءتۇرلى ورگاندارعا سىلتەپ، ودان تۇك شىقپاعاسىن كابينەتتەن شىعۋىن تالاپ ەتكەن. كامەرانىڭ الدىندا بىزبەن بۇلايشا دورەكى سويلەسكەن ەرلان جاۋلىبايەۆتىڭ قاراپايىم حالىقپان قالاي سويلەسەتىنىن ەلەستەتۋدىڭ ءوزى قيىن»، - دەيدى قوزعالىس بەلسەندىسى.
بايقوڭىر اۋدانى اكىمىنىڭ بۇل ارەكەتىنە نارازى بەلسەندى الەۋمەتتىك جەلى ارقىلى جەڭىس قاسىمبەككە ۇندەۋ تاستاپ وتىر.
بەينەۇندەۋدە ول استانا اكىمىنەن قول استىنداعى اۋدان اكىمىنىڭ ارەكەتىنە نازار اۋدارۋدى سۇراعان.
Посмотреть эту публикацию в Instagram
