ەرىكتى تاۋەلسىز سەرتيفيكاتتاۋ ەنگىزىلەدى
«ەڭبەك نارىعىنداعى مىقتى باسەكەلەستىك جاعدايىندا ءبىزدىڭ كەز كەلگەنىمىز جاڭا داعدىلاردى ۇيرەنىپ، باسقا ماماندىقتاردى دا يگەرىپ وتىرۋمىز قاجەت، ويتكەنى كوپتەگەن ماماندىقتار بويىنشا داعدىلاردىڭ وزەكتىلىگى تەك 2 جىل بويى ساقتالادى. سوندىقتان ەنگىزىلىپ جاتقان جۇيە جاڭا جۇمىسقا ورنالاسۋ جانە ىزدەستىرۋ كەزىندە «كاتاليزاتورعا» اينالادى جانە ءبىرىنشى كەزەكتە تۇلەكتەرگە كومەكتەسەدى»، - دەدى وردابايەۆ.
ونىڭ ايتۋىنشا، تاۋەلسىز سەرتيفيكاتتاۋ جۇيەسى ءاربىر مامانعا ءوز قۇزىرەتتەرىن ناقتى باعالاۋعا، سول سياقتى ءوز بىلىمدەرىن، شەبەرلىگى مەن داعدىلارىن قۇجات تۇرىندە راستاۋعا مۇمكىندىك بەرەدى.
«بۇل رەتتە فورمالدى جانە بالامالى ءبىلىم بەرۋ پروتسەسىندە الىنعان قۇزىرەتتەر باعالاناتىن بولادى. ال ءتيىستى بىلىكتىلىكتى راستاۋ ناتيجەسىندە الىنعان سەرتيفيكات ديپلوممەن قاتار جۇمىسقا قابىلداۋ كەزىندە، اتاپ ايتقاندا جۇمىسشى كاسىپتەرى بويىنشا نەگىزگى قۇجاتقا اينالادى»، - دەپ اتاپ ءوتتى ۆيتسە- مينيستر.
ءوز كەزەگىندە، جۇمىس بەرۋشى ءۇشىن سەرتيفيكاتتالعان قىزمەتكەردى جۇمىسقا قابىلداۋ ءتيىمدى كادرلىق جوسپارلاۋدا دۇرىس شەشىم بولادى. ويتكەنى مۇنداي قىزمەتكەر قوسىمشا «قايتا دايارلاۋدى» تالاپ ەتپەيدى.
