استاناداعا جاڭا كوممۋنالدىق تاريفتەر ەكى بولمەلى پاتەر ءۇشىن قانشالىقتى ءوستى

بۇل تۋرالى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ دەپارتامەنت باسشىسى قانات قۇلنازاروۆ ايتتى، دەپ حابارلايدى قازاقپارات ءتىلشىسى.

«جاڭا تاريفتەرمەن ەسەپتەسەك، 2 بولمەلى پاتەردەگى ءۇيدىڭ سۋ مەن كارىزگە تولەيتىن (20 تەكشە مەتر) تۇبىرتەگى شامامەن 300 تەڭگەگە نەمەسە 1448 تەڭگەدەن 1748 تەڭگەگە وسەدى. بۇل 20 پايىز ءوسىم دەگەن ءسوز. ال جىلۋعا تولەيتىن تۇبىرتەگى وسىنداي ەكى بولمەلى پاتەر ءۇشىن 650 تەڭگەگە، ەلەكتر تولەمى 400 تەڭگەگە قىمباتتايدى»، - دەدى قانات قۇلنازاروۆ.

ونىڭ سوزىنە قاراعاندا، ەلوردادا كوممۋنالدىق تاريف وسكەنىمەن، كەيبىر وڭىرلەرگە قاراعاندا ءالى دە تومەن.

«تاريفكە ەنگىزىلگەن تۇزەتۋلەرگە قاراماستان، استاناداعى كوممۋنالدىق قىزمەتتەردىڭ باعاسى ورتاشا رەسپۋبليكالىق كورسەتكىشتەن تومەن. مىسالى، قاراعاندى قالاسىندا جىلۋ ەنەرگياسىنىڭ تاريفى - 3776 تەڭگە/گكال، استانادا بۇل كورسەتكىش - 2765 تەڭگە/گكال. ايىرماشىلىق 27 پايىز نەمەسە 1011 تەڭگە. قاراعاندىدا 1 تەكشە مەتر سۋدىڭ قۇنى 120,72 تەڭگە بولسا، استانادا 58,15 تەڭگە. ايىرماشىلىق 52 پايىز نەمەسە 63 تەڭگە»، - دەيدى دەپارتامەنت باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى