كولىك پروكۋراتۋراسى تەمىرجولمەن جولاۋشى تاسىمالداۋعا قاتىستى ءمينيستردىڭ بۇيرىعىنا نارازىلىق كەلتىردى
باسپاءسوز قىزمەتىنىڭ مالىمەتتەرىنە قاراعاندا، كولىك پروكۋراتۋراسى جوسپارلى تالداۋ ناتيجەلەرى بويىنشا ينۆەستيتسيالار جانە دامۋ ءمينيسترىنىڭ 2015 -جىلدىڭ 30-ساۋىردەگى «تەمىرجول كولىگىمەن جولاۋشىلاردى، باگاجدى، جۇك- باگاجىن جانە پوشتا جونەلتىلىمدەرىن تاسىمالداۋ قاعيدالارىن بەكىتۋ تۋرالى» بۇيرىعىنا نارازىلىق كەلتىردى.
وسى قاعيدالارعا سايكەس 15 جانە جاسى ودان اسقان بالالار «ق ت ج «ۇ ك» ا ق- ىڭ قىزمەتتەرىن زاڭدى وكىلدەن نوتاريالدى كۋالاندىرىلعان جازباشا كەلىسىم مەن سەنىمحات بولعان جاعدايدا عانا دەربەس پايدالانا الاتىنى انىقتالدى.
بۇل نورما ازاماتتىق كودەكسكە جانە «نوتاريات تۋرالى» زاڭعا سايكەس «كەلىسىمدى» كۋالاندىرۋ مەن «سەنىمحات» بەرۋ ەكى ءوز الدىنا بولەك نوتارياتتىق ءىس- ارەكەت ەكەنى ەسكەرىلمەگەن.
بۇل ەرەجەلەردى قولدانۋ مونيتورينگى كورسەتكەندەي، جولسەرىكتەر قاعيدالارعا سىلتەمە جاساپ، بۇنداي جولاۋشىلار ساپارعا جىبەرىلمەي نەمەسە ولاردى قوزعالىس بارىسىندا الىنىپ تاستالىنعان جاعدايلار بولعان.
بۇگىنگى تاڭدا يندۋستريا جانە ينفراقۇرىلىمدىق دامۋ مينيسترلىگى پروكۋراتۋرانىڭ نارازىلىعىن تولىق كولەمدە قاناعاتتاندىردى جانە «ق ت ج «ۇك» ا ق ءبىر عانا قۇجاتتىڭ (نوتاريالدى كۋالاندىرىلعان كەلىسىم) بولۋى بويىنشا وسىنداي قىزمەتتەر كورسەتۋ تۋرالى نۇسقاۋ بەردى.
«سونىمەن بىرگە ۋاكىلەتتى ورگان جولاۋشىلاردى ت/ج كولىگىمەن تاسىمالداۋ جونىندەگى قاعيدالارعا ءتيىستى تۇزەتۋلەر ەنگىزۋ جانە جالپى ونى جەتىلدىرۋ جۇمىستارىن جالعاستىرۋدا»، - دەلىنگەن باس كولىك پروكۋراتۋراسىنىڭ حابارلاماسىندا.
