اقمولا وبلىسىندا ەر ادام بالانى قۇتقارامىن دەپ سۋعا باتىپ كەتتى
وقيعا ورنىنا كەلگەن قۇتقارۋشىلار ەر ادامدى جاعاعا اپارىپ، جەدەل جاردەم كەلگەنگە دەيىن جۇرەككە ماسساج جاساۋ ارقىلى العاشقى مەديتسينالىق كومەك كورسەتتى. وكىنىشكە قاراي، ونى قۇتقارۋ مۇمكىن بولمادى.
اقمولا وبلىسى توتەنشە جاعدايلار دەپارتامەنتى وبلىستىڭ تۇرعىندارى مەن قوناقتارىنا سۋداعى قاۋىپسىزدىك ەرەجەلەرىن ساقتاۋدى ەسكەرتەدى.
ايتا كەتەيىك، بۇعان دەيىن بۋراباي كولىنە باتىپ كەتە جازداعان اكەلى- بالالى ەكى ەر ادام قۇتقارىلعانىن جازعان ەدىك. بۋراباي كولىندە داۋىل كوتەرىلىپ، ەكاتەرينبۋرگتەن كەلگەن اكەسى مەن ۇلى سۋعا باتىپ كەتە جازدادى.
بۋراباي اۋدانىندا كۇن رايى قۇبىلمالى بولاتىنى جاڭالىق ەمەس.
تابيعات توسىن مىنەزىن تاعى كورسەتىپ، كولدە كەنەتتەن داۋىل كوتەرىلدى. ۇلكەن تولقىنداردىڭ سالدارىنان ەكى ادام مىنگەن تاقتا اۋدارىلىپ كەتكەن. ەكى تۋريست قۇتقارۋ كەۋدەشەلەرىنىڭ ارقاسىندا امان قالدى. ءبىراق جوعارى تولقىندار ولاردىڭ تاقتاعا قايتا كوتەرىلۋىنە مۇمكىندىك بەرمەدى. 10 جاسار ۇلىن تولقىن الىپ كەتپەۋ ءۇشىن اكەسى تاقتايدان مىقتاپ ۇستاپ تۇرعان. وسى ساتتە كولدى كوزبەن شولىپ تەكسەرۋ كەزىندە قۇتقارۋشىلار جاعدايدى بايقاپ، كومەككە اسىققان.
«ءبىز قۇتقارىلعانداردى جاعاعا شىعاردىق. بالا قاتتى قورقىپ كەتتى، ءبىز وعان پسيحولوگيالىق كومەك كورسەتتىك جانە 15 مينۋتتان كەيىن ول ەسىن جيدى. كومەك كورسەتكەن سوڭ سۋ ايدىنىن تاعى اينالىپ وتتىك. ومىرلەرىنە قاۋىپ ءتونىپ تۇرسا دا، داۋىل مەن تولقىنعا قاراماستان، ادامدار كاتاماراندارمەن ءجۇزۋدى جالعاستىرعان. ءبىز توتەنشە جاعدايلاردى بولدىرماۋ ءۇشىن بارلىق دەمالۋشىلاردى جاعاعا قايتاردىق»، - دەدى بۋراباي قۇتقارۋ بولىمشەسىنىڭ باس قۇتقارۋشىسى اندرەي جۋكوۆ.
