ق ر سىرتقى ىستەر مينيسترلىگى استانادا سوققىعا جىعىلعان قىرعىزستاندىقتىڭ ءىسىن باقىلاۋعا الدى
قىرعىزستاندىق ب ا ق- تىڭ حابارلاۋىنشا، وقيعا 18 -ماۋسىم كۇنى استاناداعى «MEGA Silk Way» ساۋدا ويىن- ساۋىق ورتالىعىندا بولعان. وندا قازاقستان مەن قىرعىزستان ازاماتىنىڭ اراسىندا جانجال تۋىنداعان. ونىڭ بارىسىندا قىرعىزستان ازاماتىنا فيزيكالىق كۇش قولدانىلعان.
«2023 -جىلعى 13 -شىلدەدە جابىرلەنۋشى ك. ا. قازاقستانداعى قىرعىز رەسپۋبليكاسىنىڭ ەلشىلىگىنە شاقىرىلدى. ەلشى د. ديۋشەكەيەۆپەن كەزدەسۋ بارىسىندا قىرعىزستان ازاماتىنا قاجەتتى كونسۋلدىق- قۇقىقتىق كومەك كورسەتىلدى.
بۇگىنگى تاڭدا وسى وقيعا بويىنشا قازاقستان رەسپۋبليكاسىنىڭ قۇقىق قورعاۋ ورگاندارى بارلىق قاجەتتى پروتسەستىك ارەكەتتەردى جۇزەگە اسىرۋدا. بۇل ماسەلە مينيسترلىكتىڭ باقىلاۋىندا»، - دەلىنگەن حابارلامادا.
«بۇعان دەيىن ب ا ق- تا استانادا كاسىپقوي بوكسشى بەيبىت شۇمەنوۆتىڭ قولىندا بالاسى بار قىرعىزستاندىق ەر ادامدى سوققىعا جىققانى تۋرالى حابار تاراعان. وقيعاعا بالالاردىڭ الاڭداعى جانجالى سەبەپ بولىپ، ارتى توبەلەسكە ۇلاستى»، - دەپ جازدى قىرعىزستاندىق اقپارات اگەنتتىگى.
