اۋىل اماناتى شاعىن نەسيەسى كىمدەرگە بەرىلەدى

«بيىل اۋىل شارۋشىلىعىن قولداۋعا بولىنگەن 450 ميلليارد تەڭگەدەن بولەك، قوسىمشا ءىرى جوبالاردى قولداۋعا باعىتتالىپ 100 ميلليارد تەڭگە قارجى ءبولىندى. ونىڭ ىشىندە 65 ءسۇت فەرماسىن قۇرۋ بار. قولداۋ اياسىندا فەرمەرلەردىڭ %2,5 كرەديتتى 10 جىلعا الۋ مۇمكىندىگى بار. ودان بولەك، «اۋىل اماناتى» اتتى شاعىن نەسيە باعدارلاماسى ىسكە قوسىلعان. وعان دا 100 ميلليارد تەڭگە ءبولىندى. ماقسات - اۋىل تۇرعىندارىنىڭ تابىسىن ارتتىرۋ» ، - دەدى رۇستەم قۇرمانوۆ اقمولا وبلىسىندا ءوتىپ جاتقان «Jańa Dala» مامانداندىرىلعان كورمەسىندە.

ۆيتسە- ءمينيستردىڭ مالىمدەۋىنشە، اۋىل شارۋاشىلىعى - ەكونوميكانىڭ لوكوموتيۆى.

«اۋىل شارۋاشىلىعىنىڭ ودان ءارى دامۋى وندىرۋشىلەر مەن شارۋالاردىڭ زامان سۇرانىسىنا بەيىمدەلىپ، وعان ساي جۇمىس ىستەي الۋىنا بايلانىستى. ول دەگەنىمىز - سيفرلاندىرۋ، زاماناۋي تەحنولوگياعا كوشۋ جانە ترانسفورماتسيا. ءبىزدىڭ مينيسترلىك بيزنەس ورتامەن بىرلەسىپ جۇمىس ىستەگىسى كەلەدى. سول سياقتى وتاندىق اۋىل شارۋاشىلىعى ءوندىرىسىنىڭ باسەكەلەستىگىن ارتتىرۋ باعىتىندا بىرلەسىپ ارەكەت ەتۋگە دايىنبىز»، - دەيدى ول.

بۇعان دەيىن جەمشوپ، جەمىس- جيدەك جانە كوكونىس وسىرۋشىلەرگە ارنالعان %6 ليزينگ تۋرالى حابارلاعان ەدىك.

ايتا كەتەيىك، بۇگىن- ەرتەڭ اقمولا وبلىسىندا ءداستۇرلى «JańaDala/Green Day» دالا كۇنى مامانداندىرىلعان كورمەسى ءوتىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى