ەركىن تۇقىموۆ الەم ەلدەرىنە تونەتىن ەڭ ۇلكەن قاۋىپتى اتادى
مۇنى ازياداعى قاۋىپسىزدىك جانە ىنتىماقتاستىق فورۋمى اياسىندا ب ا ق وكىلدەرىنىڭ ساۋالىنا جاۋاپ بەرگەن قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەركىن تۇقىموۆ ايتتى، دەپ حابارلايدى قازاقپارات ءتىلشىسى.
«بارلىق ەلدەر ءۇشىن ەڭ ۇلكەن قاۋىپ - تاۋەلسىزدىگىنەن ايرىلىپ قالۋ. بىزدە قازىر مۇنداي قاۋىپ جوق، ءبىراق سوعان قاراماستان ءارقاشان سىرتتان قانداي قاتەر بار ەكەنىن ناقتى باعالاي ءبىلۋ كەرەك. بۇل ءبىز ايتقانداي تەرروريزم مەن ەكسترەميزم ماسەلەسى عانا ەمەس. بۇل كليمات جانە سۋ تاپشىلىعى ماسەلەلەرى» ، - دەپ توقتالدى ق س ز ي ديرەكتورى ب ا ق وكىلدەرىنىڭ ساۋالىنا جاۋاپ بەرە وتىرىپ.
ەركىن تۇقىموۆتىڭ پايىمىنا ساي، قازىر قازاقستانعا تۇبەگەيلى ەكونوميكالىق رەفورمالار قاجەت.
«21-عاسىر - ازيا ءداۋىرى. ويتكەنى ول بۇكىل الەمنىڭ يننوۆاتسيالىق جانە ساياسي ورتالىعىنا اينالۋدا. الەم حالىقىنىڭ %60 ى ازيادا تۇرادى. سوندىقتان ءبىز ورتالىق ازيانىڭ ناقتى ماڭىزىن ءتۇسىنۋىمىز كەرەك. قازىر بىزگە تۇبەگەيلى ەكونوميكالىق رەفورمالار قاجەت. ءبىز وعان ەندى بەت بۇرىپ جاتىرمىز. بۇل باعىتتا كىممەن بىرلەسە جۇمىس ىستەپ، دامۋ پروتسەسىن جالعاستىرامىز؟ مەنىڭ ويىمشا، ءبىرىنشى كەزەكتە ازيا. بۇل - قىتاي، ءۇندىستان. سوندىقتان، مەنىڭ ويىمشا، سىرتقى ساياساتتا ءبىز بۇرىنعى ۇستانىمداردان ايىرىلماۋىمىز قاجەت. بۇل – كوپ ۆەكتورلى ساياسات»، - دەدى ەركىن تۇقىموۆ.
ول سونداي- اق فورۋم قورىتىندىسى بويىنشا پرەزيدەنت اكىمشىلىگى، ءتىپتى مەملەكەت باسشىسىنىڭ ءوزى ءۇشىن ۇسىنىمدار ازىرلەنەتىنىن اتاپ ءوتتى.
ەسكە سالايىق، بۇعان دەيىن ەلوردادا ازياداعى قاۋىپسىزدىك جانە ىنتىماقتاستىق فورۋمى ءوتىپ جاتقانىن حابارلاپ ەدىك. وعان ازيا ەلدەرىنەن كەلگەن 60 تان استام ساراپشى قاتىسىپ جاتىر.
