شەتەل ازاماتى قازاقستانعا ءمىنىپ كەلگەن شەتەلدىك كولىكتى ساتىپ الۋعا بولا ما
«ءسىز ايتىپ وتىرعان گرۋزيا، بىرىككەن اراب امىرلىكتەرى سياقتى ءۇشىنشى ەلدەردەن (ەۋرازيالىق ەكونوميكالىق وداققا مۇشە ەمەس ەلدەردىڭ ءبارى – ر ە د) شەتەل ازاماتى قازاقستانعا شەتەلدىك كولىكتى ءمىنىپ كىرسە، كەدەندىك كودەكس اياسىندا دەكلارانت رەتىندە يەلىك ەتە الادى. ولار بۇل كولىكتى قازاقستان اۋماعىندا ءبىر جىل بويى مىنە الادى»، - دەدى ول.
ونىڭ ايتۋىنشا، ينتەرنەتتەگى حابارلامادا قازاقستان ازاماتتاردى مۇنداي كولىكتى ءبىر جىل بويى ترانزيتتىك نومىرمەن مىنە الاتىنى ايتىلعان اقپارات نەگىزسىز.
«مۇنداي قۇقىق تەك شەتەلدىك ازاماتقا، دەكلارانتقا بەرىلەدى. بۇل كولىكتەر قازاقستان اۋماعىندا قازاقستان ازاماتتارىنىڭ باسقارۋىنا بەرىلە المايدى. سوندىقتان ونداي كولىكتى قازاقستان ازاماتى ساتىپ العان جاعدايدا تولىققاندى ءمىنۋ ءۇشىن كەدەندىك تازارتۋدان تولىققاندى وتكىزۋى كەرەك. باستاپقى ەسەپكە قويىپ، باستاپقى تىركەۋ الىمىن جانە ۋتيلالىم تولەيدى. وسىدان كەيىن قازاقستان اۋماعىندا قازاقستاندىق نومىرمەن، ءتيىستى تىركەۋ قۇجاتتارىمەن مىنە الادى»، - دەدى ول.
