ۋتيل الىمىنىڭ كەسىرىنەن ەلدە ەسكى كولىكتەر قاپتاپ كەتتى - اكىمشىلىك پوليتسيا

«شەتەلدەن قوسالقى بولشەك رەتىندە كىرگىزىلگەن كولىكتەرگە كەلسەك، ولاردىڭ تەحنيكالىق جاعدايى ءبىزدىڭ اۆتوموبيلدەردەن ناشار دەپ ايتپاس ەدىم. بۇل اۆتوموبيلدەردىڭ كوبى، شامامەن 99 پايىزى جاپونيادا جاسالعان. ءتىپتى كەيبىر تەحنيكالىق سيپاتتاماسى مەن جاعدايى ءبىزدىڭ كەيبىر كولىكتەردەن جاقسىراق دەۋگە بولادى. تەك ولار ەلىمىزگە قوسالقى بولشەك رەتىندە كىرگىزىلگەن. ادامدار كەزىندە كەدەندىك باج تولەگىسى كەلمەگەندىكتەن وسىلاي ىستەسە كەرەك. قوسالقى بولشەك رەتىندە سىرتتان ماشينا كىرگىزۋ - اۆتوموبيل رەتىندە كىرگىزۋدەن الدەقايدا ارزان. ياعني، شاناعىن بولەك، قوزعالتقىشىن بولەك، دوڭگەلەكتەرىن بولەك اكەلگەن. وسىندا اكەلگەن سوڭ قايتا بۇراپ، قۇراستىرا سالعان. سوندىقتان ونداي كولىكتەر قالىپتى قوزعالىپ ءجۇر»، - دەدى كوميتەت ءتوراعاسى.

ونىڭ پايىمىنشا، ەلدەگى كولىك پاركى ۋتيل الىمى پايدا بولعان كەزدەن باستاپ قاتتى ەسكىرگەن.

«ال ۋتيلالىم مەن باستاپقى تىركەۋ الىمى بويىنشا ءبىرقاتار شەكتەۋلەر ەنگىلىزگەننەن كەيىن بىزدەگى كولىكتەردىڭ «جاسى» 10 جىلدان استام «قارتايىپ» كەتكەنىنە مەن كەلىسەم. ءيا! ويتكەنى حالىقتىڭ قولىندا جاقسى ماشينا ساتىپ الاتىن اقشا جوق. ۋتيل الىمى مەن باستاپقى تىركەۋ الىمىنىڭ مولشەرلەمەسى شەتەلدىك جاقسى كولىكتى بىرنەشە ەسە قىمباتتاتىپ جىبەرەدى. سوندىقتان ءبىزدىڭ كولىك پاركى «ەسكىرىپ» كەتكەن شىعار»، - دەدى قايسار سۇلتانبايەۆ.

2015 -جىلى ۋتيلالىم ەنگىزىلگەنگە دەيىن قازاقستانداعى اۆتوموبيلدەردىڭ «ورتاشا جاسى» 14-15 -جىل بولسا، قازىر 24-25 -جىلعا جەتكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى