ەۋرازيالىق وداق ەلدەرىندە ەسەپتەن شىعارىلماعان كولىكتەردى زاڭداستىرۋ كەيىنگە قالدى
«ەۋرازيالىق ەكونوميكالىق وداق ەلدەرىندە ەسەپتەن شىعارىلماعان اۆتوكولىكتەردى زاڭداستىرۋدى
كەيىنگە قالدىرۋ تۋرالى شەشىم قابىلداندى. الايدا، باسقا ەلدە بۇرىنعى تىركەلگەن جەرى بويىنشا ولار ەسەپتەن شىعارىلعان جاعدايدا يەلەرىن باستاپقى تىركەۋدەن وتۋگە نەمەسە ولاردى كەرى اكەتۋگە مىندەتتەي وتىرىپ، 5 جىل مەرزىمگە ۋاقىتشا ەسەپكە قويادى. ۋاقىتشا ەسەپكە قويۋ كەزىندە قازاقستان رەسپۋبليكاسىنىڭ كولىك قۇرالىن تىركەۋ تۋرالى كۋالىگى جانە مەملەكەتتىك نومىرلىك بەلگىلەرى بەرىلەتىن بولادى»، - دەدى ول.
قايسار سۇلتانبايەۆ مۇنداي كەزدە تىركەۋ تۋرالى كۋالىكتە «ۋاقىتشا ەسەپكە الۋ، يەلىكتەن شىعارۋ جانە قازاقستان رەسپۋبليكاسىنان تىس جەرلەرگە شىعۋ قۇقىعىنسىز» دەگەن جازبالار كورسەتىلەتىنىن ءتۇسىندىردى.
«شەتەل اۆتوكولىكتەرىنىڭ تىركەۋ قۇجاتتارى مەن مەملەكەتتىك بەلگىلەرى مەملەكەتتىك كورپوراتسياعا ساقتاۋعا تاپسىرىلادى. قازاقستان ازاماتتارى اتالعان اۆتوكولىكتەردى ەلدەن تىس جەرلەرگە اكەتۋگە شەشىم قابىلداسا، ولار قازاقستان رەسپۋبليكاسىنىڭ تىركەۋ قۇجاتتارى مەن مەملەكەتتىك نومىرلەرىن تاپسىرۋى كەرەك. سودان كەيىن ولارعا شەت مەملەكەتتىڭ تىركەۋ قۇجاتتارى مەن مەملەكەتتىك نومىرلەرى قايتارىلاتىن بولادى» ، - دەدى كوميتەت ءتوراعاسى.
ال اتالمىش اۆتكولىكتەردى قازاقستان ازاماتتارى قازاقستاندا باستاپقى تىركەگىسى كەلسە:
- الدىمەن، بۇرىنعى تىركەلگەن ەلىندە ەسەپتەن شىعارادى؛
- ولارعا 200000 تەڭگە مولشەرىندە باستاپقى تىركەۋ ءۇشىن الىم تولەيدى.
«ياعني، ولارعا زاڭداستىرۋ شارتتارى قولدانىلادى جانە ۋتيليزاتسيالىق الىم تولەنبەيدى. ءبىز بۇل جۇمىستى 17-شىلدەدەن باستاۋدى جوسپارلاپ وتىرمىز. قازىر ءبىز اۆتوكولىكتەردى ۋاقىتشا ەسەپكە قويۋ ءۇشىن ءتيىستى سەرۆيستى پىسىقتاپ جاتىرمىز» ، - دەدى ول.
