يلون ماسك جاڭا كومپانياسىن تانىستىردى

ماسك بىرنەشە اي بويى ChatGPT گە باسەكەلەس كومپانيا قۇرىلاتىنى تۋرالى ايتىپ، ەلدى ەلەڭدەتىپ كەلگەن ەدى. مىنە، ول xAI دەپ اتالاتىن كومپانيانى تانىستىردى.

كومپانيانىڭ ۆەب- سايتى جانە بىرنەشە قىزمەتكەردەن تۇراتىن كومانداسى بار. ۆەب- سايتىندا كومپانيانىڭ قىزمەتكەرلەردى بەلسەندى تۇردە جۇمىسقا الىپ جاتقانى تۋرالى ايتىلعان.

سوعان قوسا جازىلعانىنداي، جاڭا كومپانيانى ماسكتىڭ ءوزى باسقارادى جانە بۇل كومپانيا «ءوز ميسسياسىن ورىنداۋ ءۇشىن X (Twitter) ، Tesla جانە باسقا كومپانيالارمەن تىعىز جۇمىس ىستەيدى» .

«xAI ماقساتى — عالامنىڭ شىنايى تابيعاتىن ءتۇسىنۋ»، - دەلىنگەن اقپاراتتا.

بۇل ميسسيا ماسكتىڭ بۇرىن جي سالاسىنداعى جوسپارلارى تۋرالى ايتقاندارىمەن ۇندەسەدى.

ماسك ChatGPT نەگىزىن قالاۋشى OpenAi كومپانياسىن جاقتاعانداردىڭ ءبىرى بولعان. ءبىراق كەيىنىرەك كومپانيانى ۆيرۋستىق چات- بوتتىڭ ءبىرجاقتى نەمەسە سەكسيستىك جاۋاپتاردى بولدىرماۋعا باعىتتالعان قاۋىپسىزدىك شارالارىن ەنگىزگەنى ءۇشىن سىنعا الدى.

ءساۋىر ايىندا Fox News جۇرگىزۋشىسى تاكەر كارلسونعا بەرگەن سۇحباتىندا ماسك «عالامدى تۇسىنۋگە قامقورلىق جاسايتىن، شىندىقتى ىزدەيتىن جاساندى ينتەللەكتى» ىسكە قوساتىنىن ايتتى.

ماسك يەلىگىندەگى باسقا كومپانيالارعا كەلەتىن بولساق، 44 ميلليارد دوللارعا ساتىپ الىنعان «Twitter» - ءدىڭ بولاشاعى بەلگىسىز. بۇعان Meta-نىڭ Threads دەپ اتالاتىن باسەكەلەس قوسىمشانى ىسكە قوسۋى سەبەپ بولىپ وتىر. جاڭا قوسىمشا ءبىر اپتاعان جەتپەيتىن ۋاقىت ىشىندە 100 ميلليون پايدالانۋشى جيناپ ۇلگەردى. ال، Twitter قولدانۋشىلارىنىڭ سانى ازايىپ بارا جاتقانى تۋرالى حابارلامالار تاراپ جاتىر. ماسك بىرنەشە اي بويى قىزمەتكەرلەرىن قىسقارتىپ، سونىمەن قاتار كومپانيا ساياساتىنا داۋلى وزگەرىستەر ەنگىزدى.

ايتا كەتسەك، يلون ماسك Twitter- دەن باسقا Tesla, SpaceX، Neuralynx جانە Boeing Company كومپانيالارىنا يەلىك ەتەدى. بۇعان دەيىن حابارلانعانىنداي، يلون ماسك قايتادان الەمدەگى ەڭ باي ادامدار رەيتينگىن باستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى