دورەكى، كولىكتە تەلەفونمەن سويلەسەدى: الماتى تۇرعىندارى قوعامدىق كولىك جۇرگىزۋشىلەرىنە شاعىمداندى
ايتۋىنشا، قوعامدىق كولىك جۇرگىزۋشىلەرى رۋلدە وتىرىپ تەلەفونمەن سويلەسەدى، بالاعاتتايدى، تەمەكى شەگەدى.
«اۆتوبۋس جۇرگىزۋشىلەرى وزدەرىن دورەكى ۇستايدى، ءبىزدىڭ ومىرىمىزگە قاۋىپ توندىرەدى. ءتارتىپ قاشان بولادى؟»، - دەپ سۇرادى بوستاندىق اۋدانىنىڭ تۇرعىنى.
مەگاپوليس اكىمى بۇل ماسەلەنىڭ ەكى جاعى بار ەكەنىن ايتتى.
«بۇل ماسەلەنىڭ ەكى جاعى بار. ءبىرىنشى، تاراپ قىزمەت كورسەتۋ ساپاسىنا بايلانىستى. قالادا ءبىر عانا مەملەكەتتىك وپەراتور - «الماتىەلەكتروترانس» جانە 24 جەكە وپەراتور بار. بىزدە جەكە وپەراتورلارعا قاتىستى تۇسكەن شاعىمدار جەتەرلىك. مەملەكەت باسشىسى الماتىعا كەلگەن سوڭ يندۋستريا مينيسترلىگىنە، كولىك كوميتەتىنە تاسىمالداۋ جونىندەگى قولدانىستاعى شارتتاردى قايتا قاراۋدى تاپسىردى، دەمەك جاۋاپكەرشىلىك ارتادى دەگەن ءسوز. جاۋاپكەرشىلىك بارلىعىنا قاتىستى بولادى، جۇرگىزۋشىلەرگە دە، اۆتوبۋستىڭ جاعدايىنا دا. كۇزدە ەرەجەلەر وزگەرەدى دەپ ۇمىتتەنەمىز جانە ءبىز ولاردان بارلىق قاجەتتى زاتتاردى رەسمي تۇردە تالاپ ەتە الامىز. ياعني، ءبىز بارلىق وپەراتورلاردى - جەكە جانە مەملەكەتتىك وپەراتورلاردى - حالىققا قىزمەت كورسەتۋدىڭ ءبىرىڭعاي دەڭگەيىنە جەتكىزگىمىز كەلەدى»، - دەدى ەربولات دوسايەۆ.
ونىڭ ايتۋىنشا، تاعى ءبىر ماسەلە - جۇرگىزۋشىلەر تاپشىلىعى مەن ولارعا ءتيىستى جاعدايدىڭ جاسالماۋى.
«ەكىنشى جاعى. بىزدە بۇرىلاتىن پۋنكتتەر جوق. بيىل 10-پۋنكت، ال كەلەسى جىلى تاعى 10 پۋنكت اشامىز. دەمەك، جۇرگىزۋشىلەرگە مارشرۋت اياقتالعاننان كەيىن دەمالۋعا مۇمكىندىك تۋادى. جۇرگىزۋشىلەردىڭ تاپشىلىعىنا قاتىستى ماسەلە دە وزەكتى. ءبىز ولاردىڭ جەتكىلىكتى سانىن جيناي المايمىز، ۇمىتكەرلەرگە ءتيىستى بىلىكتىلىكتى الۋ قيىنعا سوعادى. تاعى ءبىر سەبەپ جاتاقحانالاردىڭ بولماۋى، سەبەبى جۇرگىزۋشىلەردىڭ 80 پايىزى الماتىدا تۇرمايدى. سوندىقتان ءبىز جۇرگىزۋشىلەر ازاماتتارعا ساپالى قىزمەت كورسەتۋدى تالاپ ەتۋ ءۇشىن جاعداي جاساعىمىز كەلەدى»، - دەپ ءتۇسىندىردى مەگاپوليس باسشىسى.
ەربولات دوسايەۆتىڭ سوزىنشە، بارلىق قولدا بار فاكتى بويىنشا اكىمدىك، قالالىق موبيلدىلىك باسقارماسى قاجەتتى شارالاردى قابىلداۋعا دايىن.
«جولاۋشىلاردىڭ شاعىمدارى بويىنشا ايىپپۇلدار جاعدايدى وزگەرتپەيدى. ءسىز دۇرىس بايقاعانسىز، جۇرگىزۋشىنىڭ جۇمىسى وتە جاۋاپتى. اۆتوبۋستا جولاۋشىلار كوپ بولعان كەزدە جۇرگىزۋشىلەردىڭ ەڭبەك جاعدايلارى مەن جالاقىلارى دا سوعان لايىق بولۋى ءتيىس»، - دەپ ءتۇسىندىردى قالا اكىمى.
