الماتى اكىمى تۇرعىنداردان كەشىرىم سۇرادى
اكىمنىڭ بوستاندىق اۋدانىنىڭ تۇرعىندارىمەن كەزەكتى كەزدەسۋىندە تۇرعىنداردىڭ ءبىرى اكىمدىك نەلىكتەن اينالما جولداردى قاراستىرماي، بىردەن ەكى نەگىزگى ماگيسترالدىق كوشەدە جوندەۋدى باستاۋ تۋرالى شەشىم قابىلداعانىن سۇرادى.
«قولايسىزدىقتار ءۇشىن ءوز اتىمنان جانە اكىمدىك اتىنان كەشىرىم سۇرايمىن. ءبىراق، وكىنىشكە قاراي، الماتى عانا ەمەس، كەز كەلگەن ءىرى مەگاپوليستى دامىتۋعا بايلانىستى ماسەلەلەر جول ينفراقۇرىلىمىن تارتىپكە كەلتىرۋدى تالاپ ەتەدى»، - دەدى اكىم.
دوسايەۆ ءال-فارابي داڭعىلى 2010 -جىلدان باستاپ، اباي داڭعىلى 2012 -جىلدان باستاپ ورتاشا جوندەۋدەن وتپەگەنىن اتاپ ءوتتى.
«ادەتتە جوندەۋ ارالىق سيكل 5 تەن، كەيدە 7 جىلعا دەيىن سوزىلادى. ءبىز ءال-فارابي داڭعىلى بويىنشا ەكى جوندەۋ ارالىق مەرزىمدى وتكىزىپ الدىق. مامانداردىڭ باعالاۋى بويىنشا، ەگەر ءبىز وسى ماگيسترالدىق جولداردى بيىل جوندەمەسەك، قىستان وتە الماس ەدىك. جەكە باقىلاۋىمدا. مۇمكىندىك پايدا بولعاننان كەيىن اكىمدىك سىرعابەكوۆ كوشەسىنەن ەسەنتاي كوپىرىنە دەيىنگى قوزعالىستى اشتى. بۇگىنگى تاڭدا كەپتەلىستەر پايدا بولعان نەگىزگى ۋچاسكە ءال-فارابي مەن جاروكوۆتىڭ قيىلىسى. ءبىز بارلىق جۇمىستى التى بولىمگە بولدىك. ءبىراق ەگەر ءسىز ءوزىڭىز جۇرەتىن جول ينفراقۇرىلىمىنا قاراساڭىز، دۋلاتي كوشەسىندە اپاتتىق جولدار جوق، سوندىقتان ءبىز كەرى قوزعالىس جاساي المايمىز. سونداي-اق، جول ايرىعى ماسەلەلەرىنە قاتىستى، ويتكەنى روزىباكييەۆ پەن جاروكوۆ كوشەلەرىندە قيىن. جول ايرىقتارىنىڭ ءوزى قارسى جولاقتاردا قوزعالىستى دۇرىس ۇيىمداستىرۋعا مۇمكىندىك بەرمەيدى. ال گاگارين داڭعىلى قازىر جابىق جانە جاسىل جەلەكتەرمەن قورشالعان»، - دەدى اكىم.
دوسايەۆ كەشە ءوزى دە پروبلەمالىق داڭعىلدارمەن ءجۇرىپ وتكەنىن جانە قوزعالىس جاقسارعانىن ايتتى.
ايتا كەتەيىك، سوڭعى كۇندەرى الماتىدا ۇلكەن كەپتەلىستەر بايقالۋدا - تۇرعىندار الەۋمەتتىك جەلىلەردە اكىمدىككە شۇيلىگىپ، كەيبىرەۋلەر ءتىپتى دوسايەۆقا قارسى پەتيتسياعا قول جيناپ جاتىر.
