جاپونيادا مەديسينا دوكتورى اتاعىن العان تۇڭعىش قازاق قىزى

سونداي زارۋىنە ءدارۋ ىزدەگەن جاندارعا شيپا سىيلاعان سونداي اق حالاتتى جانداردىڭ ءبىرى - جازيرا توقاي قىزى.

جازيرا توقاي قىزى 1965 - جىلى 19 - مامىردا التاي ايماعىنىڭ التاي قالاسىندا دۇنيەگە كەلگەن. 1987 - جىلى شي-ان مەديسينا ۋنيۆەرسيتەتىندە ەمدەۋ فاكۋلتەتىن ءبىتىرىپ، شىنجاڭ مەيسينا ۋنيۆەرسيتەتىنىڭ قاراماعىنداعى І شيپاحانانىڭ ىشكى اۋرۋلار ءبولىمى تىنىس جولى جۇيەسىندە كلينيكالىق قىزمەت باستايدى ءارى وعان قوسا وقىتۋ، وقىتۋدى زەرتتەۋ قىزمەتىنە دە بەلسەنە ارالاسادى. 1997 - جىلى ماۋسىمنان 2003 - جىلى ناۋرىزعا دەيىن جاپونيا ۋنيۆەرسيتەتىنىڭ مەديسينا سالاسىنداعى اعا شيپاگەرلەردىڭ، مامانداردىڭ قاتاڭ سىنىنان ءوتىپ، دوكتورلىق اتاعىن قورعادى.

جازيرا توقاي قىزى جاپونيادا مەديسينا دوكتورى، پروفەسسور Ozawa yukio نىڭ جەتەكشىلىگىندە، جۇرەك ەلەكترو كارديوگرامماسىنىڭ تەلەفون ارقىلى مەڭگەرىلەتىن سالاسىن زەرتتەدى. سونىمەن بىرگە تىنىس الۋ جۇيەسىندەگى ەندى-ەندى دامىپ كەلە جاتقان «icu» بولنيسادا تىنىس الۋدى باسقارۋ جاعىن دا يگەردى. جاپونياداعى كەزىندە زەرتتەۋدى تابىستى جالعاستىرۋ، زەرتتەۋ ناتيجەسىن كورنەكتىلەندىرۋ ءۇشىن، جاپونيانىڭ ءۇش ۇلكەن سەرىكتىگىمەن (Саrd Guardjapan, Nasa Corporation, Secom) كەلىسىم شارت اياسىندا ، تەلەفون ارقىلى جەتكىزىلەتىن جۇرەك ەلەكترو كارديوگرامما جۇيەسىن اشۋ، دامىتۋ، جاڭالاۋ جانە كلينيكادا قولدانۋ جاقتارىندا جەمىستى زەرتتەۋلەر جۇرگىزدى. جاڭالىق مازمۇنعا باي، تىڭ جەتىستىكتەردى مولىنان قامتىعان 17 عىلىمي ماقالا جازىپ جاريالادى. ونىڭ عىلىمي زەرتتەۋ جەتىستىكتەرى سول كەزدىڭ وزىندە جاپونياداعى «جۇرەك ەلەكترو كارديوگرامما»، «ەمدەۋ اقپارات عىلىمى»، «ەمدەۋ اقپارات عىلىمى جانە كومپيۋتەر» اتتى جۋرنالداردا ۇزبەي جاريالانىپ تۇردى.

قىتايداعى ايەل عالىمدار ىشىنەن تۇڭعىش رەت جاپونيانىڭ مەديسينا عىلىمى سالاسىنان دوكتورلىق عىلىمي اتاق العان ايەل عالىم.

دايىنداعان حازىرەت ءابدىلدا

دەرەككوز: baq.kz

2012 ج

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى