وزبەكستان پرەزيدەنتى بىرنەشە اكىمدى قىزمەتىنەن بوساتتى

تاعى ءبىرقاتار ۇلتتىق كومپانيا، ونىڭ ىشىندە «وزبەكستان تەمىر جولدارىنىڭ» باسقارما ءتوراعاسى سىرت ەلدەردەن ينۆەستيتسيا تارتۋعا اتۇستى قاراعانى ءارى قارجىنى ۋاقىتىلى يگەرمەگەنى ءۇشىن قاتاڭ جازاعا ىلىكتى. قىزمەتتەن قۋىلعان شەنەۋنىكتەردىڭ ءىسىن ەندى ەسەپ پالاتاسى مەن پروكۋراتۋرا تەكسەرەدى.

ەسكە سالايىق، شاۆكات ميرزيەۆتىڭ سايلاۋالدى ۋادەلەرىنىڭ ءبىرى ەلدەگى جالپى ىشكى ءونىمدى 160 ميلليارد دوللارعا جەتكىزۋ ەدى. سونداي- اق ول كولىك شىعارۋ كورسەتكىشىن جىلىنا 1 ميلليونعا جەتكىزىپ، مەملەكەتتە جۇمىس ورىندارىن كوبەيتۋدى مەجەلى ماقسات ەتكەن.

شاۆكات ميرزيەۆ، وزبەكستان رەسپۋبليكاسىنىڭ پرەزيدەنتى:

- شەتەلگە بارعاندا بانك وكىلدەرىمەن جانە كاسىپكەرلەرمەن قانشاما قيىندىققا تاپ بولىپ وتىرمىز. ءىرى جوبالاردى قولعا الىپ جاتقانىمىزبەن، الايدا مەنىڭ وڭىردەگى وكىلدەرىم ۇيىقتاپ قالعانداي اسەر قالدىرادى. بار ءىسىمىزدى جوققا شىعارىپ جاتىر. سوندىقتان بىرنەشە شەنەۋنىكتى قىزمەتتەن بوساتۋ تۋرالى شەشىم قابىلدادىم. جۇمىس ىستەمەي، بىزگە قيانات قىلعان ادامدى ەشقاشان كەشىرمەيمىن. الداعى ۋاقىتتا قىزمەتىنە سالعىرت قاراعان باسقا دا لاۋازىم يەلەرىن وسىنداي جازا كۇتىپ تۇر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى