قۋلىق جاساۋدان كەيبىر مۇعالىمدەر وقۋشىلاردان دا اسىپ ءتۇستى - ۇلتتىق تەستىلەۋ ورتالىعىنىڭ ديرەكتورى
«ۇلتتىق تەستىلەۋ ورتالىعى» ر م ق ك ديرەكتورى پەداگوگتەردىڭ ءبىلىمىن باعالاۋ سىناعىندا بولىپ جاتقان ەرەجە بۇزۋشىلىقتاردىڭ ۆيدەوسىن جاريالادى، دەپ حابارلايدى قازاقپارات رۋسلان ەمەلبايەۆتىڭ الەۋمەتتىك جەلىدەگى پاراقشاسىنا سىلتەمە جاساپ.
دوستار، مىنا بەينەجازبالاردى مۇقيات كورىپ شىقساڭىزدار. بۇل ءبىر ەكشن فيلمنىڭ بولىكتەرى ەمەس. بارلىعى شىنايى ومىردە بولىپ وتىر.. . 10 - شىلدەدە ەلىمىزدە پەداگوگتەردىڭ ءبىلىمىن باعالاۋ باستالدى. ءبىراق تەستىلەۋگە كەيبىر مۇعالىمدەر بىلىمىنە ەمەس، ايلاسىنا سەنىپ كەلگەن سياقتى. مىسالى، ءبىر وڭىردە ءبىر كۇن ىشىندە 34 پەداگوگتىڭ بۇزۋشىلىقتارى بىردەن انىقتالىپ، ولار 5 جىلعا دەيىن تەست تاپسىرۋ مۇمكىندىگىنەن ايىرىلدى، - دەپ جازادى ول.
ايتۋىنشا، كەيبىر مۇعالىمدەر قۋلىق ويلاپ تابۋ جاعىنان وقۋشىلاردى ارتتا قالدىرىپتى.
ۇ ب ت- دان كەيىن ءبىزدى ەشكىم جانە ەشنارسە تاڭعالدىرمايدى دەپ ويلاعانبىز. ءبىراق، وكىنىشكە وراي، قۋلىق جاساۋ بويىنشا كەيبىر مۇعالىمدەر وقۋشىلاردان دا اسىپ ءتۇستى. بۇل فاكتىلەر بويىنشا ءتيىستى شارالار قابىلدانىپ، قۇزىرلى ورگاندارعا بەرىلەدى، - دەيدى رۋسلان ەمەلبايەۆ.
ءسوز سوڭىندا مۇنداي ارەكەتتەردىڭ شاكىرتكە ءبىلىم مەن تاربيە بەرىپ، سانالى دا ساپالى ۇلت قالىپتاستىرۋ جولىندا تەر توگۋى ءتيىس مۇعالىم دەگەن ۇلى ماماندىققا كىر كەلتىرەتىنىن باسا ايتادى.
قۇرمەتتى پەداگوگتەر، مۇعالىم بولۋ ۇلكەن جاۋاپكەرشىلىكتى تالاپ ەتەدى. ويتكەنى، بۇكىل ۇلتتىڭ بولاشاعى سىزدەردىڭ قولدارىڭىزدا. ال بۇنداي ارەكەتتەر ء«مۇعالىم» دەگەن اتاۋعا كىر كەلتىرەدى، - دەپ جازعان ول.
اۆتور:
گۇلنۇر عازيز قىزى
