اۋلاڭىزداعى دۇكەن زاڭ بۇزىپ وتىر: جاستار قوزعالىسى كاسىپكەردى قالاي زاڭعا باعىندىردى
جاستار قوزعالىسىنىڭ وكىلدەرى 13-ماۋسىمدا، «زاڭ» دەگەن اتپەن ازاماتتىق اكتسيا وتكىزگەن بولاتىن.
سول كەزدە كۇيشى دينا 23/1 مەكەنجايىندا ورنالاسقان «ايدىن» دۇكەنىنىڭ قىزمەتكەرى 16 جاستاعى جاسوسپىرىمگە قۇجاتىن سۇراماستان 40 گرادۋستىق ىشىمدىك ساتقانىن انىقتاعان.
دۇكەن اكىمشىلىگى زاڭ بۇزۋدى دوعارۋ تالابىنا وتە دورەكى جاۋاپ بەرىپ، ءوز كىناسىن مويىنداماي، قوزعالىستىڭ بەلسەندىسىنە شابۋىل جاساعان.
«سودان بەرى ءبىر اي بويى «ايدىن» دۇكەنىندە «يتاليالىق ەرەۋىل» وتكىزىپ، دۇكەن يەلەرىن ادەتتى تابىستان ايىرىپ كوردىك. سوعان قاراماستان، دۇكەن وكىلدەرى بۇدان بىلاي زاڭ بۇزباۋعا ۋادە بەرۋدەن باس تارتتى. ءبىز دە العان بەتتەن اينىماي باسقا ءادىستى پايدالاندىق. كۇنى بويى ءبىزدىڭ بەلسەندىلەر دۇكەن الدىندا ۆەلوسيپەدپەن اينالىپ ءجۇرىپ، ماڭايداعى ۇيلەردىڭ تۇرعىندارىنا «ايدىن» دۇكەنى زاڭعا قايشى ارەكەتكە باراتىنىن ايتىپ ءجۇردى. كورشىلەر ۆەلوپيكەتتى بەلسەندى تالقىلاعان. اۋلاعا ىلىنگەن باننەردى دە جۇرت قىزۋ تالقىلادى. وسىلايشا ءبىر اي وتكەندە عانا دۇكەن اكىمشىلىگى كەلىسسوزگە كوندى. دۇكەن يەسى ءوز كىناسىن مويىنداپ، كامەرا الدىندا كامەلەتكە تولماعان جاستارعا ىشىمدىك ساتپاۋ تۋرالى ۋادە بەردى. ەندى سول ۋادەنىڭ قالاي ورىندالعانىن تەكسەرەمىز»، - دەيدى قوزعالىس بەلسەندىسى تولەبي بيقاسىم.
