بيىل «تۇركىستان- ابۋ- دابي» باعىتىندا اۋە رەيسى اشىلادى
تۇركىستانداعى حالىقارالىق اۋەجايدى دامىتۋ، جۇمىسىن جانداندىرۋ ماسەلەسى تالقىلاندى. وندا وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆ اۋەجايدىڭ قازىرگى جاي- كۇيى مەن اتقارىلىپ جاتقان جۇمىستاردىڭ بارىسى تۋرالى باياندادى.
بۇگىنگى تاڭدا تۇركىستان اۋەجايىنان ىستانبۇل جانە ەل- كۋۆەيت قالالارىنا حالىقارالىق باعىت جۇمىس ىستەپ تۇر. سونىمەن بىرگە استانا، الماتى، اقتاۋ، قاراعاندى، اقتوبە جانە ورال قالالارىنا دا تۇراقتى رەيستەر بار. «Turkish Airlines» ، «Jazeera Airways» ، «FlyArystan» ، «Scat»، «Qazaq Air» جانە «يۋجنوە نەبو» اۋە كومپانيالارى قىزمەت كورسەتۋدە.
الداعى ۋاقىتتا تۇركىستان قالاسىنان حالىقارالىق اۋە رەيستەرىن اشۋ، وسكەمەن، پاۆلودار، اتىراۋ، كوكشەتاۋ، ءۇشارال قالالارىنا سۋبسيديالاناتىن اۋە رەيستەرىن ۇيىمداستىرۋ جوسپارلانعان. استانا جانە استانا قالالارىنا قولدانىستاعى رەيستەر سانى ۇلعايتىلدى. بيىل قازان ايىندا «تۇركىستان- ءابۋ- دابي» باعىتىن اشۋ بويىنشا كەلىسسوزدەر ءجۇرىپ جاتىر.
باسقوسۋدا وبلىس اكىمى دارحان ساتىبالدى زامانۋاي اۋەجايدىڭ مۇمكىندىگى مەن الەۋەتى تولىق قولدانىلماي وتىرعاندىعىنا توقتالدى.
«حالىقارالىق جانە ىشكى باعىتتاردى كوبەيتۋ كەرەك. شەتەلدىڭ ءىرى اۋە كومپانيالارىمەن بايلانىس ناشار. اۋەجاي جۇمىسىن تۋريزم سالاسىمەن بايلانىستىرا دامىتۋدى ۇسىنامىن. جاۋاپتى باسقارمامەن بىرلەسە جۇمىس اتقارىپ، تۋريستەر سانىن ارتتىرعان ءجون. تۇركىستان حالىقارالىق اۋەجايىنىڭ لوگيستيكالىق الەۋەتىن دە ارتتىرىپ، جۇك تاسىمالىن ۇلعايتۋ ماڭىزدى. اۋەجايدىڭ دامۋ جوسپارى، ستراتەگياسى بولۋى قاجەت، - دەدى دارحان ساتىبالدى.
ايتا كەتەيىك، تۇركىستان اۋەجايىنىڭ جولاۋشىلار اعىنى 2022 -جىلى 373,8 مىڭ جولاۋشىنى قۇراعان. ونىڭ ىشىندە 81,3 مىڭ ادام حالىقارالىق رەيسپەن ۇشسا، ەل ىشىندە 292,5 مىڭ جولاۋشى تاسىمالدانعان. كورسەتكىش 2021 -جىلمەن سالىستىرعاندا %24 عا ارتقان. جولاۋشىلار تاسىمالى بويىنشا تۇركىستان اۋەجايى رەسپۋبليكادا 7-ورىندا تۇر.
