قازاق كۇرەس قاۋىمداستىعىنىڭ جاڭا پرەزيدەنتى تانىستىرىلدى
اسسوتسياتسيانىڭ پرەزيدەنتى قىزمەتىنە مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەربول مىرزابوسىنوۆ سايلاندى.
اسسوتسياتسيانىڭ اقپاراتىنا سايكەس، قاۋىمداستىقتى العاش رەت قازاق كۇرەسىنىڭ مامانى باسقارىپ وتىر. ەربول مىرزابوسىنوۆ قازاق كۇرەسىنەن حالىقارالىق دارەجەدەگى سپورت شەبەرى، ەڭبەك سىڭىرگەن جاتتىقتىرۋشى.
ول بۇعان دەيىن «Qazaq kuresi» اسسوتسياتسياسىنىڭ باس حاتشىسى بولعان.
ۇيىمداستىرۋشىلاردىڭ ايتۋىنشا، ەل اۋماعىندا جانە حالىقارالىق ارەنادا قازاق كۇرەسىنىڭ ءبىرىڭعاي ەرەجەسى بەكىتىلدى.
2022 -جىلى «Qazaq kuresi» اسسوتسياتسياسى بىرىككەن كۇرەس الەمى (UWW) ۇيىمىنىڭ قۇرامىنا ەندى. UWW اياسىندا العاش رەت قازاق كۇرەسىنەن ءۇش جاس مولشەرىن قامتىعان الەم چەمپيوناتى ءوتتى. بۇل قازاق كۇرەسىنىڭ ازيا جانە جازعى وليمپيادا ويىندارىنىڭ باعدارلاماسىنا ەنۋى جولىنداعى ماڭىزدى قادام.
