قولىندا بالاسى بار ادامعا جۇدىرىق الا جۇگىرگەن بەيبىت شۇمەنوۆ قاتاڭ جازاعا تارتىلادى
«ءيا، راستايمىز. قازىر اينالىسىپ جاتىرمىز. بۇزاقىلىق بويىنشا ءىس قوزعالدى»، - دەدى ول ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، اتالعان فاكتى بويىنشا ساراپتاما جۇرگىزىلىپ جاتىر. زاڭ بۇزۋشىلىق اسا اۋىر ەمەس دەپ باعالانىپ وتىر. سونىمەن قاتار تەرگەۋ بارىسى بەيبىت شۇمەنوۆتىڭ بۇرىنعى كاسىبي سپورتشى ەكەندىگى جاعدايدى اۋىرلاتاتىن ءمان- جاي بولۋى مۇمكىن ەكەندىگىن ايقىندايتىن بولادى.
«قىزمەتتىك تەكسەرۋ جۇرۋدە. ول قاتاڭ جازاعا تارتىلادى. كۇنى كەشە مينيستر ماسەلەنى كوتەردى، ول جازالانادى»، - دەدى قايرات سۇنتايەۆ.
مينيستر ورىنباسارىنىڭ ايتۋىنشا، توبەلەس بارىسىندا بالا زارداپ شەكپەگەن. دەگەنمەن، زارداپ شەككەن ازامات بۇرىنعى الەم چەمپيونىن قىلمىستىق جازاعا تارتۋىن تالاپ ەتىپ وتىر.
بۇعان دەيىن الەۋمەتتىك جەلىدە جانە ءبىرقاتار ب ا ق- تا استاناداعى ءىرى ساۋدا ويىن- ساۋىق ورتالىقتارىنىڭ بىرىندەگى فۋت- كورتتا جانجال بولعانىن جازعان ەدى. كەيىنىرەك قولىندا بالاسى بار ەر ادامعا جۇدىرىق الا جۇگىرگەن ازاماتتىڭ كاسىبي بوكسشى بەيبىت شۇمەنوۆ ەكەنى انىقتالعان بولاتىن.
